Yoongi's Music [SUGA]

Music #10

Yoongi's Music

Music #10

Marami ng nagbago after mangyari ang insidenteng iyon.

Ang chismis na ako ang idini-date ni Yoongi ay biglang kumalat sa school sa loob lang ng isang buong araw. Noong una ay nagduda ang mga schoolmates ko kung totoo ba yun pero after nyang hilain sa harapan ko ang tatlong nambully sa akin at pinag-sorry ay doon nila kinompirma na totoo ngang nagdi-date kami. Which is hindi naman talaga totoo.

Sa tuwing break time ay nagkikita kami ni Yoongi sa Music room na iyon at tinuturuan ko syang mag-piano. Itinuturo ko naman sa kanya ang basic at mukhang sobrang interesado talaga syang matuto. At dahil lagi nila kami nakikitang magkasama ay mas lalong dumiin ang chismis na nagdi-date nga talaga kami. Dahil din doon kaya medyo nabawasan na ang pambubully sa akin ng mga schoolmates ko noong araw na iyon.

Uwian na ngayon at katulad kaninang umaga ay magkasama na naman kami ni Yoongi sa tabi ng bus stop. Oo, dahil magkaibigan kami ay lagi na kaming magkasama pero hindi ko parin maiwasang mailang sa kanya.

Hindi ko pa naitatanong sa kanya kung may iba rin ba syang kaibigan dahil sa totoo lang ay nahihiya parin ako sa kanya. Well, ito ang first day na naging kaibigan ko sya kaya natural na sigurong maramdaman ko 'to.

"Yuseonie~~Yuseonie~~Yuseonie~~~" ang kanta nya sa pangalan ko gamit ang satoori accent na iyon at habang nakangiti ng matamis mula sa tabi ko.

Oo.

Simula ata kaninang umaga ay hindi na sya tumitigil sa pagkanta ng pangalan ko. At hindi ko parin maintindihan kung bakit Yuseonie ang tawag nya sa akin.

"Yuseonie~~Yuseonie~~"he continued.

Nakatayo lang sya sa tabi ko habang may malaking scarf na nasa leeg nya at may lumalabas pang malamig na hangin sa bibig nya. Hawak nya rin ang bag nya na ngayon ay nakasabit sa likuran nya.

Masakit parin ang sugat na nasa mukha ko na ngayon ay may band-aid na at sya din ang gumamot at naglagay pero hindi ko maiwasang mapangiti.

Yoongi is a sweet guy. Hindi nga lang halata dahil sa laging inaantok na mukha nya.

Lumingon naman sya sa akin at nang makitang nakangiti ako ay mas lalong tumamis ang ngiti nya.

"Aigoo~~ngumingiti na si Yuseonie~~Yuseonie~~" ang patuloy nya sa pagkanta gamit ang satoori accent. "Si Yuseonie~~~na cutie~~cutie-cutie~~"

Mas lalo akong napangiti at sa totoo lang ay pinipigilan ko nalang matawa ng dahil sa satoori accent na ginagamit nya.

"Yah~~ba't hindi ka nagsasalita?" ang pangungulit nya sa akin. "Ano bang klaseng kaibigan ka ha? Ba't hindi mo ako kinakausap?"

Pero hindi parin ako nagsalita.

Nahihiya parin kasi akong makipag-usap sa kanya.

"Okay. Ipagpapatuloy ko nalang ang ginagawa ko" ang pang-aasar nya at ngayon ay bumalik na naman sya sa pagkanta. "Yuseonie~~Yuseonie~~Yuseonie~~!"

At ngayon ay mas malakas na ang pagkanta nya kaya nakakakuha na kami ng atensyon sa mga taong padaan lang sa bus stop na iyon.

Pakiramdam ko ay namumula na ako ng dahil sa sobrang hiya kaya agad ko na syang nilingon.

"Yah, tumigil ka na" ang pabulong kong saway sa kanya.

Pero ngumiti lang sya sa akin ng mapang-asar habang nagpapatuloy parin.