The Silent Type of Bad Girl (COMPLETED)

Chapter 18 - Black Snake Gang

CHAPTER 18 - BLACK SNAKE GANG

Chasey's POV

"Chasey! Hiro! Nasaan ba kayo?!"

"Chasey!"

"Hiro!"

"Magpakita na kayo, parang awa!"

"Masakit na paa namin kakalakad!"

Naalimpungatan ako dahil sa mga sigaw na naririnig ko. Those annoying voices are so familiar that for the first time I want to hug them so tight for doing something good ever in their lives!

Nakatulog pala 'ko ng hindi ko namamalayan. Paano ba naman kasi, sobrang tahimik at napagod na rin ako sa lahat ng nangyari kanina. Hindi na rin naman ako kinausap pa ni Hiro, mukhang nagulat rin ata siya sa biglaang outburst niya kanina. Sino ba naman kasing hindi? He's so out of character! May ginawa yata sa kanya ang kagubatan na 'to!

Tumayo naman ako agad mula sa pagkakasandal ko sa puno at sumigaw rin para mahanap nila. Mabuti naman at naisipan na nila kaming hanapin! Akala ko talaga ay ma s-stuck na ko rito kasama si Hiro hanggang bukas e!

"Nandito kami!" Sigaw ko habang nakataas pa 'yung dalawang kamay ko at winawagayway. Nilingon ko naman si Hiro at mukhang kagigising lang din niya. Ginugulo niya ang kanyang buhok at mukhang disoriented pa siya.

"Hoy! Umayos ka na diyan. May nag r-rescue na sa'tin dito." Sabi ko sa kanya at muling sumigaw. Hindi ko pa natatanaw ang mga kaibigan ko mula rito pero alam kong nasa malapit lang sila.

Ang tagal naman nilang makita kami rito! Parang sobrang tago naman ng part na 'to kung nasaan kami.

Naramdaman ko naman na tumayo na rin si Hiro at nag simula siyang maglakad palayo sa'kin. Kinunutan ko siya ng noo at natigilan. Saan naman pupunta 'to? "Hoy lalake! Saan ka pupunta?" Tumigil naman siya saglit at humarap sa'kin. And wow! What do we have here? He's back to his old expression again!

Bipolar kaya 'to?

"Pupunta na sa kanila. Kung mag sisisigaw ka lang diyan para makita nila tayo, 'wag ka ng umasa na mangyayari 'yun dahil tago ang parte ng gubat na 'to. Malabo nila tayong makita." Napataas naman doon ang kilay ko.

"So, bakit hindi mo sinasabi sa'kin na pupunta ka na sa kanila? Balak mo kong iwanan dito 'no? You do have a mission to get rid of me, right?" Ang isang 'to! Mukhang iisahan pa yata ako! Asa naman siya.

For a split second there, may nakita akong nag bago sa emosyon niya dahil sa sinabi ko. But he did composed himself immediately and shooked his head.

"Kung balak talaga kitang iwanan edi sana kanina ko pa ginawa. Dahil alam ko naman kung saan ang daan pabalik."

"Ano?" Alin daw ang alam niya? Hindi ko masyadong naintindihan kasi ang hina ng pag kakasabi niya do'n sa huling mga salita. Potek! Kalalaking tao ang hina ng boses!

"Wala! Tara na nga at baka iwanan talaga kita rito." Inis na sinabi niya at nag lakad na ulit. Inirapan ko naman siya bago ako tumakbo at sumunod sa kanya. Pasalamat talaga siya at hindi ko alam ang mga daan sa gubat na 'to, kung hindi kanina ko pa siya nasaktan! He's so freaking moody and so annoying!

Malabo talaga na makatagal ako na kasama siya.

Pagkatapos ng ilang minutong lakaran ay nakita na rin namin ang mga  hinahanap namin. Mukhang nagulat pa nga sila dahil bigla na lamang kaming sumulpot sa gitna ng dilim. Napatili pa si Ella.

"Chasey!"

"Kuya Hiro!"

"Finally! Nag pakita na kayong dalawa!"