My Enchanted Tale

Charm 19 ❀ Enchanted

I was enchanted to meet you.

***

Ilang minuto din siyang nakatigil lamang hanggang sa nakita ko siyang kumalma. "Tss." Usal niya. "Kasalanan mo ito. Bakit ka sumama  kay Kyle, pwede namang sa'kin?" Mahinang dagdag pa niya na halos hindi ko marinig.

"A-ano?" Imbis na sagutin iyong tanong ko. Sinamaan niya ako ng tingin at saka nagsalita.

"This time; from now on, you'll be with me." Noong sabihin niya iyon, kumabog ang puso ko, at hindi ko nanaman alam kung ano iyong matinding emosyon na naramdaman ko.

"Eh?" Tanging banggit ko, dahil hindi ko alam kung anong pwedeng sabihin. Ang lakas kasi mag-bigay ng statement na ganoon. Saka hindi naman tanong iyon hindi ba? Kaya pwedeng hindi sagutin.

"Aray ko naman." Napahawak ako sa noo ko, noong pitikin niya ako doon, hindi ganun kasakit kaya okay lang naman. Saka iyong expression niya kanina na parang may galit sa mundo, okay na ngayon.

Unti-unti akong ngumiti sa kaniya. Hahaha. Bingo na itong lalaking ito, kanina pa siya pa sweet sweet. Saka ano daw? Bakit daw ako sumama kay Kyle? Topakin. Bakit bawal ba sumama kay Kyle?

"Nginingiti ngiti mo?" Akala mo aburidong sabi niya, pero mukang ngingiti na rin naman siya. Psh. Ang dami pala nitong alam kapag minsan.

"Wala." Maikling sabi ko sa kaniya. Nakakapanibago man na na ganito siya, okay na ito kaysa sungitan nanaman niya ako. Saka ayoko naman ng sobrang awkward na atmosphere sa pag-itan namin.

Matagal ko na din nakakasama ang Louie na ito. At ang masasabi ko lamang ubod ng sama ng ugali! Lagi na lamang akong inaaway, tapos utos ng utos kasi ngaa thrall niya daw ako. Saka kahit babae ka, kapag naiinis siya--siya iyong tipong: wala akong paki-alam. Tsk tsk tsk. Kaya naman ngayong ganito ugali niya, sasagadin ko na.

"Halika nga." Biglang sabi niya sabay higit sa akin. Noong hawakan niya ang wrist ko, nakaramdam ako ng parang electricity doon. Mygas! Ano iyon? Static dahil sa lamig dito sa mall?

"Ahm? Saan tayo?" Basag ko sa katahimikan, sobrang tahimik kasi namin habang nag-lalakad at nakakaramdam na talaga ako ng pagka-ilang kaya naman nag-salita na ako

"Kung saan, ngingiti ka." Boom! Para akong iniwanan ng kaluluwa ko dahil doon. T-teka? Tama ba ang pagkakarinig ko doon? Napatulala na lamang ako at hindi maka-react. Hanggang kailan ba ako ma-s-speechless ngayong araw na ito?

Nag-dire-diretso lamang kami at hindi na ako nagtanong. Bahala na kung saan mapunta. Saka si Louie naman ang nasuusnod, kahit nga opinyon ko hindi niya tinanong.

Maya-maya tumigil kami sa isang arcade. Tiningnan ko siya doon, kaya nginisian niya ako. Napa-simangot naman ako doon, panigurado may binabalak nanaman itong lalaking ito.

"Bakit tayo andito?" Tanong ko sa kaniya.

"Para maglaro. Utak nga, Ryleen." Iiling iling na sabi niya. Pabiro ko siyang sinamaan ng tingin dahil doon. Loko-loko na nga pilosopo pa. Tss. Nag-lakad na ako at inunahan ko siya noong higitin niya ako pabalik.

"Wait, let's have a deal." Huh? Bakit kailangan pa ng deal? Maglalaro lang naman kami.

"Maglalaro lang naman tayo ah? Bakit kailangan pa ng deal?" Dirediretsong tanong ko sa kaniya, kaya nakatanggap ako ng isang masamang tingin. Sabi ko nga, ayaw na ayaw niya na imik ako ng imik. Boss daw kasi siya, thrall ako.

"Thrall ka pa din hindi ba?" Agad akong napatango dahil sa sinabi niya. "Mawawalan na ng bisa ang pagiging thrall mo kapag, natalo mo ako sa limang game, pagkatapos may bonus pa na kakanta ako sa platform na kantahan diyan." Agad lumawak ang ngiti sa labi ko dahil doon.