My Enchanted Tale

Charm 48 ❀ What Jealousy Can Do

Now I know, what jealousy can do. And it's like... Argh!

***

Ayisha Ryleen's POV

Napatulala ako sa nakita ko dahil mukhang todo ang kasiyahan nilang dalawa noong babaeng kasama niya. Hindi ko alam pero talagang nag-init ang ulo ko dahil doon. Ramdam na ramdam ko ang pagka-inis at selos ngayon. Hindi ko itatanggi iyon, dahil what's the use?

Parang kahapon lamang mangiyak-ngiyak siya sa kasiyahan dahil maayos ang lagay ko pagkatapos makikita ko siya ngayon dito? Huh, hindi lamang iyon, mayroon pang kalandian. Ayos ah.

Nag-simula na silang mag-lakad kaya sumunod agad ako sa kanila, hindi ko pinakawalan ang pagmamasid ko sa kanila. Samantalang, iyong ibang charmers natingin sa akin na parang may kakaiba. Sabagay, baka ito iyong ibang naka-alam na patay na ako. Subalit, wala akong paki-alam sa kanila ngayon.

Tingnan ko muli si Louie at iyong kasama niya, hindi pa din mawala wala ang ngiti nila sa isa't-isa lalo na kapag nagkakatinginan sila.

Kaya pala siya sweet kahapon dahil may kalokohan siya. Konti na lang maniniwala na ako na kapag talaga nanlalambing ang mg alalaki may nagawang mali. Tsk! Napaka talaga. Tago doon, tago dito ang ginawa ko ngayon. Nag-mumukha na akong stalker dahil sa ginagawa ko.

Habang nagtatago, bigla na lamang may sumigaw sa pangalan ko. "Ayisha!" Napahawak ako sa dibdib ko sa sobrang gulat. Akala ko nahuli na ako ni Louie, mabuti na lamang medyo malayo sila sa tayo ko at hindi nila ako napapansin.

Napaharap naman ako doon sa biglang tumawag sa akin. "Bella, grabe ka ginulat mo ako." Iiling iling na banggit ko saka ako tumingin ulit doon sa sinusundan ko at nakita ko silang pumasok sa isang restaurant at naupo doon, kaya naman kahit papaano nakahinga ako ng maluwag, dahil hindi sila basta basta mawawala doon habang kinakausap ko si Bella.

"Ginagawa mo dyan? Kaya pala may naririnig akong bulungan na ang elemtal guardian, nandito at buhay." Sabi sa akin ni Bella. Hinigit ko naman agad siya sa pinag-tataguan kong malaking poste na pabilog.

"Magtago ka muna, baka makita ka pa nila." Sita ko sa kaniya.

"Nino naman?" Takhang tanong niya. Hindi ko siya pinansin at tiningnan ko si Louie na kasama iyong kalandian niya. Sarap sunugin noong babae dahil ang landi landi niya kay Louie. Psh.

"Uy! Iyong si Louie mo, may kasamang iba. Oh, well ang ganda noong girl---" Agad kong tinakpan ang bibig ni Bella dahil doon. Oo, aminado naman ako na maganda talaga iyong babae, napaka-elegante at the same time napaka-bubbly ng dating. Wala akong panama for short, pero wala akong paki-alam kung wala akong panama, iba naman ang katauhan ko sa kaniya.

"Shh! Huwag ka ngang maingay! Saka bakit ka ba nandito ha? Bruhang 'to." I bluntly stated, natawa naman ng marahan si Bella sa inasta ko.

"Taray na'tin ngayon ah, selos ka bes? Huwag. Ganda mo kaya." Biro niya habang nakangiti ng nakakaloko. Napa-ismid naman ako doon.

"Alam kong maganda ako huwag mo na ipakalandakan." Nakangiting sagot ko sa kaniya at saka nag-flip ng hair, na lalo niyang ikinatuwa. May pagka-baliw din talaga itong si Bella, parang timang.

"Aba't saan mo nakuha ang confidence na iyan ha? Ang tapang mo ah." Naningkit pa ang mata niya at halata sa boses niya ang pagka-amuse. May ganito naman talaga akong side dati pa, kaya nga nasagot ko kahit palihim iying mga nang-aapi sa akin dati, kaso noon parang nawawalang kuting pa ako na hindi mailabas ang matitilos na kuko.