My Enchanted Tale

Charm 43 ❀ Pain

Some unexpected things happened with unexplainable reason.

***

Louie Blake's POV

Pakiramdam ko hindi maipinta ngayon ang muka ko dahil sa narinig ko sa hari at reyna. Paligsahan? Tss. Mabuti sana kung si Ryleen lang ang sasali para tapos na. Nakakawalang gana dito sa palasyo minsan, pati mga galaw mo kailangan nilang kontrolin. Tsk.

Nag-lakad na ako paalis mula doon. Sumunod sa akin sina Kyle, Bella, Vien at Charlene. Mabuti pang umuwi na muna kami, baka gising na din si Ryleen. Kailangan ko na siyang makausap.

"Sandali Blake, kausapin mo ako." Bigla na lamang may umimik at sumulpot sa harapan ko. Ngayon ko lamang siya nakita dito sa palasyo dahil hindi naman ako laging pumupunta dito. Wala na sana akong balak makita pa siya, kaso nga lang mukang wala akong magagawa dahil prinsesa din siya.

Hinawakan niya ang braso at mabilis ko namang tinanggal iyon at saka siya tiningnan ng masama. Nakita ko na halos mag-tubig ang mga mata niya dahil sa ginawa ko.  "Wala tayong pag-uusapan, Fiona." Mariing sabi ko.

Matapos iyon sumakay agad ako sa pegasus na tinawag namin at umalis na. Pagkadating sa bahay ni Kyle hinanap ko agad siya ngunit hindi ko siya nakita. Nagtanong ako kay Bella kung saan ko mahahanap si Ryleen, at ang sabi niya baka nasa bahay niya ito, kaya naman dali dali akong pumunta doon.

Pagkadating doon, kinatok ko agad ang pinto at tinawag siya, ngunit may nakapag-sabi sa akin na wala naman daw tao sa loob. Napasabunot na lamang ako sa sarili ko dahil sa frustration. Nasaan na ba siya?

Naglakad muli ako at natigilan ako noong makaramdam ako ng matinding panghihina at sakit ng katawan. Agad akong napahawak sa pader dahil doon. Ano itong nararamdaman ko? Damn.

Ipinikit ko muna sandali ang mga mata ko at nagpahinga. Hanggang sa bigla na lamang tumunog ang cellphone ko kaya't tingnan ko doon kung sino ang nag-message. Mula ito sa unknown number pero kahit ganoon parang may nararamdaman ako na kailangan ko iyong basahin kaya't iyon ang ginawa ko.

Hinahanap mo si Ayisha? Pumunta ka sa lugar na ito at isama mo ang mga kaibigan mo.

Noong una, naguluhan ako. Sino ito? Tsaka bakit niya alam na hinahanap ko si Ryleen? Doon ako biglang kinutuban na maaaring may masamang nangyari sa kaniya. Idagdag mo pa ang mga bigla ko na lamang nararamdaman kagabi at kanina. Hindi kaya iyong mga pakiramdam na iyon ang nararamdaman ni Ryleen? Lalo akong kinabahan kaya naman mabilis akong bumalik sa bahay ni Kyle.

Nakarating din agad ako doon at tinawag si Kyle. "Kyle!" Sigaw ko habang hinahanap niya. Nakasalubong ko naman agad si Bella.

"Maka-sigaw ka naman, Louie. Anong kailangan mo kay hubby?" She asked. Napa-iling na lamang ako dahil natataranta ako. Naiisip ko pa lamang na baka nasa panganib si Ryleen, parang mababaliw na ako.

Ipinaliwanag ko kay Bella ang lahat. Noong una parang ayaw pa niya maniwala dahil baka trap lamang ito, subalit napilit ko naman siya kaya't papunta na ako sa lugar, samantalang hinahanap pa ni Bella ang barkada.

Hindi nagtagal nakarating din kami doon. Napakaraming puno sa lugar na ito. Anong naisipan noong nag text saakin para papuntahin ako dito? Kung trap lang ito, pupunta at pupunta padin ako dito, dahil si Ryleen ang pinag-uusapan.

Naglakad lakad ako noong bigla akong may narinig akong kaluskos, agad akong naging alerto at nagtago sa isang puno. Nagulat na lamang ako noong biglang may humawak sa balikat ko, dahil sa nangyari naibalibag ko agad siya sa lupa, kaya't napa-ungol ito sa sakit.