Yandırıb qəlbimi bu həsrət,kədər,
Mənimçün bir dəqiqə darıxdın məgər?!
Hər gün öldüyümü görmürsən əgər,
Öldüyüm zamanda ağlama yarım!
Dünyanın malından-mülkündən doyub,
Bütün xəyalları geridə qoyub.
Dayanan qəlbimdə eşqini duyub,
Canlıyam sananda ağlama yarım!
Oxuyub sonradan anlayacaqlar,
Məzarım üstünə gül qoyacaqlar.
Bu qara xəbəri tez yayacaqlar,
Sən bunu dananda ağlama yarım!
Qurduğun nağıllar əlbət bitəcək
Gözündən pərdələr bir-bir itəcək
Bütün təsəllilər boşa gedəcək
Ürəyin yananda ağlama yarım!
- Hümbət İsmayılov
YOU ARE READING
Şeir ✓
Poetry"Sənə şeirlərlə bəzək vurmuşam" Hər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan Tanrıdır.
