My Best Friend's Girlfriend

14

Sobrang lakas ng tibok ng puso ni Jho habang tumatakbo siya palabas mula sa lugar na iyon. Hindi niya alam kung anong biglang pumasok sa utak niya para hayaan na maging ganoong kalapit sila ni Bea. Muntik pa silang...

She's out of breath from running so she stops and carefully leans herself on a parked car beside her. Napakagat labi na lang siya ng maalala niya yung mga titig sa kanya ni Bea habang sumasayaw sila at yung dahandahang paglapit nang mukha nito bago pa dumating si Fel para paglayuin silang dalawa.

Kung hindi pa dumating si Fel ay baka natuloy na yung balak ni Bea na halikan siya. Hindi talaga sigurado si Jho kung magagawa ba niyang pigilan iyon kung nagkataon. Nagsisimula na naman siyang malito sa nararamdaman niya at sumabay pa yung pagkahilo niya mula sa alak na nainom niya kanina.

Bakit kasi ganito siya kaapektado pagdating sa babaeng yun?

Ilang beses na niyang dineny at isinawalang bahala 'tong nararamdaman niya para kay Bea pero kahit anong gawin niya ay bumabalik pa rin lalo na kapag nagkikita na sila. Minsan nga ay gusto niyang batukan ang sarili niya dahil ilang beses na rin siyang muntik bumigay sa kung ano man attraction ang meron siya para sa taong yun.

Nagsimula lang naman siyang maguluhan sa nararamdaman niya nung nasa Subic sila. Yun mga tinginan sa kanya ni Bea na akala nito siguro ay hindi niya napapansin. Bigla niya tuloy naalala nung hinawakan nito yung kamay niya sa ilalim ng kumot. Hindi siya sigurado kung ano bang pumasok sa utak niya at hindi niya nagawang bumitaw kahit katabi na nila si Thirdy. Ang alam lang niya ay may kakaiba na siyang nararamdaman para kay Bea nung mga panahong iyon at inaamin niya na naging mapusok siya dahil ginusto niya rin yung pakiramdam at init na dinudulot ng palad ni Bea sa palad niya.

Who is she kidding? Kahit nung unang gabi pa lang sila nagkakilala ay hindi rin agad nawala sa isip niya si Bea pagkatapos niyang mahalikan ito. May mga araw pa nga na parang gusto niyang bumalik dun sa club para mag bakasakali na magkikita ulit sila. Nagkataon lang na kinailangan niyang umuwi ng Batangas nung mga panahon na iyon kaya nung nakauwi siya ay tuluyan na rin niyang kinalimutan si Bea.

Hindi naman niya inaasahan na magkikita ulit sila at aminin man niya o hindi ay parang unti-unti siyang nahuhulog dito habang lumilipas ang araw na mas lalo pa niya itong nakikilala.

Or maybe because there is a certain thrill and excitement at the prospect that someone other than her boyfriend likes her and wants to be with her.

Huminga siya ng malalim at napapikit. Nagsisimula na naman sumakit ang ulo niya sa mga naiisip niya. Ano ba kasing meron sa kanya at lagi na lang nagiging ganito kakomplikado ang lovelife niya?

Nung una, niloko siya ng ex-boyfriend niya at tinapon yung tatlong taon nilang relasyon para sa ibang babae. Ngayon naman na nakahanap na siya ng matinong lalaki ay siya naman 'tong nagsisimula ng mag alinlangan dahil nagkakagusto siya sa iba.

Pakiramdam niya tuloy mababaliw na siya.

"Nandito ka lang pala. I've been looking everywhere for you."

Parang huminto naman sa pagtibok ang puso ni Jho sa gulat ng marinig niya ang boses na iyon. Agad siyang napamulat ng mata at ang mukha ni Bea ang nasilayan niya habang nakatayo na ito sa harapan niya.

Naramdaman niya ang lalong pagbilis ng pintig ng puso niya dahil sa presensya ni Bea sa harap niya. Hindi siya agad nakapagsalita at napatitig lang dito. She wants to move her feet to get away from her but she seems to be rooted to her spot for some reason.

"Are you okay?"

Bea takes a tentative step closer to where she's standing. Hindi siya nakapag salita at nahigit niya ang kanyang hininga nang ipinatong pa ni Bea ang braso nito sa kotseng sinasandalan niya kaya ngayon ay halos isang pulgada na lang ang pagitan nila.