الفصل السابع والعشرون :
◘◘◘ تنفس الصغير أوس الصعداء لرحيلهما ، وإرتخت عضلات جسده الهزيل ، وسأل نفسه بخوف :
-ليه بتعمل معايا كده ؟ ليه أنا ؟
وبدأت العبرات تتسرب من عينيه ، وكور قبضته بغل وضرب بها الأرضية الصلبة باكياً بحنق :
-مش عاوز أعيش معاه ، أنا بأكرهه ، بأكرهه ، ليه بتسبيني لوحدي يا مامي معاه ، ليه ؟! ..... ◘◘◘
......................
في مشفى الجندي الخـــاص ،،،
فتح أوس عينيه المغرورقتين بالعبرات ، ونظر إلى تقى بحسرة كبيرة ..
سكونها المريب يذبحــه بقسوة ، أنفاسها الضعيفة تجلده بلا رحمــة ..
أخذ نفساً عميقاً ، وزفره ببطء ليتابع قائلاً بمرارة أشد :
-كنت بأموت في اليوم ألف مرة بسببه يا تقى ، كان نفسي أكون قــادر عليه وقتها ، بس كنت عاجز قدامه ، مشلول مش قادر أعمل حاجة !
أخــذ نفساً عميقاً وحبسه داخل صدره ، وأردف بصوت متشنج :
-أنا لحد الوقتي بأحس بكل حاجة عملها فيا ، ولما بأشوفه قصــادي بقى نفسي أخنقه بإيدي لحد ما روحه تطلع ، بس بأحس إني عاجز قدامه ، مش قــادر أعمله حاجة !
صمت للحظة ، وأخفض عينيه وهو يكمل قائلاً بخفوت يحمل الإنكســـار :
-ببان قدامه إني قوي ومحدش يقدر عليا ، بس .. بس أنا من جوايا آآ... جــ.. جبان ، بترعش منه ، ماهو اللي حصلي منه مش قليل يا تقى !!
إبتلع ريقه بتوتر شديد ، وتلاحقت أنفاسه وهو يضيف :
-أنا كنت زيك كده .. ضعيف مكسور ، عمر حد ما كان هيصدقني لو قولت حاجة ، هو قدامهم كان ليه جبروت ،و هيبة ، وأنا .. أنا محدش هيدافع عني قصاده !
إختنق صوته أكثر وأردف ببكاء :
-عـــارفة يا تقى أنا شوفت فيكي نفسي ، شوفت ضعفي جواكي ، حسيت بعجزي معاكي !
زاد نحيبه وهو يقول :
-أنا خوفت منك لما لاقيتك قصـــادي ، حسيت إني بقيت مكشوف ، الكل هيعرف اللي حصلي !
مســح أوس بأنامله عبراته المنسابة على وجنتيه ، وأخــذ نفساً عميقاً ، وظل صامتاً لعدة دقائق ..
أغمض عينيه .. وتنهد بصوت مكتوم ..
ثم أطرق رأسه في خزي وهو يتابع قائلاً بصوت مختنق :
-كنت بســأل نفسي مليون مرة ليه بيعمل معايا أنا بالذات كده ؟ ليه بيتبسط لما يلاقيني قصاده عاجز ؟ كنت فاكر إني لو قولت لأمي هتحميني منه ، بس هي وقت ما بتكون في حضنه بتنسى كل حاجة إلا عنفه معاها !
YOU ARE READING
ذئاب لا تغفر ©️ - الجزء الثاني ( ذئاب لا تعرف الحب ) ✅
Romanceتستمر المعاناة مع الضحية التي اختيرت بعناية لتكون فريسته، قيده المحكم عليها دفعها للتهلكة، وللخوض في أشد التجارب قساوة، اغتصاب شرعي .. فهل ستنجو أم ستنتحر؟ جميع حقوق النشر محفوظة لموقع https://www.facebook.com/LoveStories.by.ManalSalem/ قصص ور...
