တစ်ရက်တစ်ရက်နဲ့ လွန်လာခဲ့တဲ့ ကာလ။
စက္ကန့်သံတစ်သံက ကိုယ့်ရဲ့ ကမ္ဘာကို ပျက်စေတယ် ကောင်လေး။
တစ်ရက်တာဆိုတဲ့ အချိန်ကြီးကုန်လွန်သွားတိုင်း
ဖြစ်မလာသေးတဲ့ အနာဂတ်ကြီးကို ပိုပြီးမုန်းလာတယ်။
မင်းပြင်ပေးခဲ့တဲ့ သစ်သားနာရီကြီးကိုတောင် ရိုက်ချိုးပစ်ချင်လောက်အောင်ပဲ။
ဘ၀ရဲ့ အချိုးအကွေ့ဆို ဒါဟာ ထာဝရအတွက် လမ်းကွေ့တစ်ခုပဲ။
စဉ်းစားကြည့်ကောင်လေး အမှတ်တရဆိုတဲ့ ဖြစ်ရပ်တိုင်းမှာ စွဲလမ်းမှုတွေ မေ့ဖျောက်မရမှုတွေ တသီတတန်းကြီး ကပ်ပါလာတယ်။ ကိုယ်တို့နှစ်ယောက် အတူရှိခဲ့တဲ့ နေ့ရက်တွေက မကြာမြင့်ပါဘူး ကောင်လေး။ အမှတ်တရတွေတော့ ရှိတာပေါ့။
အဲ့ဒါက ပြသနာပဲ သူ့မှာ ပါလာတဲ့ သတိရစရာတွေက ကိုယ့်မှတ်ဥာဏ်မှာ အမာရွတ်တစ်ခုထင်သွားပြီ။ သေရာပါပေါ့။စိတ်ချလက်ချ အိပ်ပျော်နိုင်ရဲ့လား ကောင်လေး။
အိပ်မက်ထဲမှာ တစ်ယောက်ထဲ လမ်းပျောက်နေမလား။ ကိုယ့်ရဲ့လက်ကို အဝေးကနေ တောင်းတနေမလား။
ကိုယ်ကတော့ ခုထိ အိပ်မပျော်နိုင်ဘူးကွာ။
ကောင်လေးအိပ်နေတာကို ဘေးကနေ ထိုင်ကြည်ရင်း ကိုယ်နှိုးနေခဲ့တာ။
ကိုယ်အိပ်နေတုန်း ကောင်လေး ထွက်သွားမှာ ကြောက်လွန်းလို့ပါ။
လက်ဖောင်းဖောင်းတွေကို ဆုပ်ကိုင်တိုင်း အောင့်သက်လာတဲ့ ၀ဲဘက်က နှလုံးသားကို ကိုယ်တိုင်ဖောက်ထုတ်လိုက်ချင်မိသည်။ပါးဖောင်းဖောင်းလေးတွေကနေ ပိန်ကျသွားတဲ့
ပါးလေးတွေကို ထိတွေ့ကိုင်တွယ်ကြည့်တော့
စီးကျလာတဲ့မျက်ရည်စက်တွေကို လွတ်လပ်ခွင့်နဲ့
စိတ်တိုင်းကျ ထွက်ခွာခွင့်ပေးခဲ့တယ်။
ကောင်လေးရဲ့လက်လေးကို ဆုပ်ကိုင်ရင်း
မျက်နှာလေးနား ကပ်ကာထားလိုက်သည်။
ထွက်ခွာမသွားမီ ထိုလက်လေးအား နူးညံ့စွာသိမ်းသည်းထားချင်ခဲ့မိသည်။
အတ္တဆန်ခြင်းမျိုးမဟုတ်ဘဲ ရူးမိုက်တဲ့ချစ်ခြင်းတစ်မျိုး အနေနဲ့ပေါ့။
ခနတာလေး နှလုံးသားမှာ ၀င်ရောက်ခိုလှုံပြီး
ထွက်ခွာသွားတော့မည့် ဧည့်သည်။
မျက်လုံးအစုံကိုမှိတ်ပြီး ငိုကြွေးဖို့ ပြင်ပြီးခါမှ
ဆံပင်လေးကို လာရောက်ထိုးဖွနေတဲ့ သူ့ကြောင့်မငိုဖြစ်ခဲ့ပါ။
![](https://img.wattpad.com/cover/100225453-288-k233936.jpg)
YOU ARE READING
Please Stay...Until [Completed]
Fanfictionအိပ်မက်ထဲထိ ကျွန်တော်မျက်ရည်မကျအောင် ကောင်လေး မကုစားပေးနိုင်ခဲ့ဘူး။ ဟုတ်တယ်....ကောင်လေး မင်း ရက်စက်ခဲ့တယ်။ YoonMin [Yaoi] By:KimTae_Nun