قفزو بثلاثة على دخولو المفاجئ وإيمان ولاو فيها گاع الالوان خافت بزاف وبحركة لا شعورية غطات وجهها بيديها بجوج وتكمشات فبلاصتها تاطل عليه من بين صباعها وليليان تاتبكي وعينيها عليه ودنيا تاتشوف فيه وفنفس الوقت كلمة "كايموووت) كادور فراسها وهو قدامهم كاينهج وكايتسنا جواب ..
أمين : دوييي نتي (موجه كلامو لليليان)
ليليان : ونتاااا ماااالك غير گوليا اش مشا ليييك هااا؟ شكون نتا باش تحاسب معايا شكوووون؟ با خويا راجلي شكوون فيهم؟ وا فوتني عليييك ونسااااني ابنااااادم نسااااني كي ناسياااك أنا وماعاطياك قيمة فحيااااااااتي
مسكتاتها غير يد دنيا لي تحطات على فمها كاتمة صوتها ..
دنيا : ولدي عذرها هي ماقصداتش هادشي غير معصبة وصافي
أمين ماداهاش فيها وبدا تايقرب تاني من ليليان وعينيه ظلام كي ديما وقتما تعصب ماتايبقاش يبان فيهم اللون الابيض، عرفاتو لاش ناوي تاني ووقفات قدامو شادا فذراعو ..
دنيا : أميين دير عقلك را واقفا قدامك أنا يلا هي غلطات لاديرش بحالها نتاا
أمين : الواليدا حيدي من گدامي الله يحفظك
دنيا : أميييين فيييق خلاااااص فيييق واش هاكا ربيتك أنا تعدا على بنات الناس وضربهم هااا؟ فين عمرك هزيتي يديك على بنت
أمين : وماربيتينيش نسمع الاهانة ونسكت عليها 😡
دنيا : تسمعها من راجل بحالك اييه، واش نتا تبغي لي يحط يديه على ختك؟
أمين : نقطعهالمو قبل مايفكر
دنيا : اوا تاهي يلا ساق ليك خوها لخبار هاتشوف شنو يدير معاك
أمين : ماشي كيف كيف الواليدا ونتي عارفا
دنيا : وليليان مادارت والو كلشي من هاداك ونتا تحاسبتي معاه صافي باراكا، جلس لهيه بيت ندوي معاكم نتا وختك يالاه تحرك
شافيها شحال ونفذ أمرها، گلس فوق سداري صغير دايرينو فالبيت مفرق رجليه ويديه فوقهم كايتسناها شنو غاتقول ..
دنيا : احم مهم الحاجة لي بفيتكم تكونو أكيدين منها هي ليليان ماغلطات فوالو وبالنسبة لخروجها وسط الليل أنا لي خاصني نتحمل مسؤوليتو حيت أنا لي دخلتها فهاد الموضوع وطلقتو على ظهرها هي بحكم مشاغلي، فايت ليا عاودت ليكم على بابا
إيمان : اييه وگلتي لينا فالحبس
أمين : واش جابو تاهو للهضرا؟
دنيا : هانا جاياكم، بابا خرج من الحبس هادي عاماين وأنا لي تلقيت ليه وخديت ليه بارطما يعيش فيها ودرت ليه تا شهرية وكيما كان الحال كايبقى الراجل لي ولدني وكبرني ومستحيل نتخلى عليه دابا وخاصة فاش نعرفو مكرفس واخا دار أخطاء بزاف ولكن مانقدرش نحاسبو نهااائيا يكفي أنه خدا جزاؤو، هو غالط بزاف فحق خوتي كثر مني أنا لذلك ماقدرت نقوليهم والو وتا هو طلب مايسيقوش الخبار ولكن فاش شفتو عيان وخاصو العوين ولي يرد ليه البال ويطل عليه مرا مرا وأنا خدامة وزيد عليها الدار والمؤتمرات لي عندي على برا كان خاصني نقلب على شي حد ثقة نوصيه ومالقيت حسن من بنت ختي كنا ديما كانتفاهمو وبعقلها وكاتفكر وتاهي كانت عند حسن ظني وتقبلات الأمر ورحبات بيه ولاقيتها معاه وسبحان الله انساجم معاها بزاف وولات كثر من عزيزة عندو لدرجة غير تاتغبر عليه نهار واحد تايبقى فيه الحال ويصدعني أنا باش نرسلها ليه تجلس معاه واخا غير شويا، ولات قريبة منو كثر مني أنا وهادشي خلاني نرتاح من جيهتو هو ولكن نسيت أمرها هي ولاش عرضتها، نسيت هاد البشر الخايب الحضاي ولي كايتسنى غير فرصة فين يدوي فلاخور وينمم فيه ويخرج عليه اشاعات خاصة يلا كانت بنت مايعقلوش عليها وهادشي لي وقع لليليان وهي ماداتهاش فيهم وماعبرات حد، وأنا باش نضمن سلامتها فالطريق دويت مع صديقها ووصيتو عليها وعاودت ليه اش كاين حيت ثقت فيه ومازال للآن مامستوعباش كيفاش وشنو طرا تا قرب منها وهادشي مازال ندوي فيه معاه
أمين : علاش خبيتي عليا أنا؟ علاش ماجيتيش عاودتي ليا اش كاين وعاودتي للبراني وأنا لا؟ ولا حيت تانا حاسباني غريب عليك، هه وكيف لا وأنا غير ربيبك
إيمان : وماشفتينيش أنا نيت لي والداني من كرشها
دنيا : باراكا من الهضرا الخاويا، ماكنتش بغيت نشغلكم تانتوما وخصوصا فاش شفت رد فعلكم نهار كنت نعاود ليكم عليه وكيفاش تعصبتو وماحملتوهش ودابا نجي نقوليكم اش كاين شنو كنتو غاديرو ها؟ تعاونوه زعما وتوقفو معاه ولا كنتو توقفو ضدي حيت بغيت نعاونو
أمين : هادا ماشي مبرر، المهم هانيا هانيا دابا كلشي وضاح (وقف) هانمشي هاد العشية للدوار نطل على الواليد ونرجع فحالي وفطريقي غاندوز ليكم ديك خيتنا لخرا والله يعاون
دنيا : أمين
أمين (قاطعها) : الكلام سالا الوا.. (سكت)
خرج من البيت وخلا كل وحدة فين كاتفكر، دنيا فأمين لي عاد طلعات معاها بلي فهمها غلط وترجح من تصرفها وإيمان لي حسات براسها والو عندهم وكلهم تايخبيو عليها وماثايقينش فيها وماعاطيينها قيمة بيناتهم وليليان فجدها لي ماعرفاتوش كي صبح هاد النهار وواش غاتشوفو ثاني ولا أمين غايشعل العافية بينها وبين والديها ..
ليليان : خالتي 😢 خاصنا نلقاو حل دغيا، عافاك فتحي مع ماما الموضوع وقنعيها تجي تشوفو و تسامح معاه ...
YOU ARE READING
معا حتى النهاية (المراهقة الفاتنة 3)
Romanceالجزء الثالث والأخير من القصة الشهيرة المراهقة الفاتنة .. جزء رومانسي درامي بامتياز
