معا حتى النهاية (المراهقة الفاتنة 3)

البارت 66

دخلات لبيتها وسدات وراها الباب وجلسات فسريرها ويدها على قلبها لي حاساه ايخرج من بلاصتو، تاتنفس بجهد وحابسة الدمعة ماتنزلش ..
ليليان : يعني هادا السبب لي خلاه مايسولش فيا هاد الشهر ومايجيش يطلبني ثاني، صافي دغيا بدلني، دغيا مل ومشا رجع ليها وجايبها معاه جكارة فيا زعما بغا يقوليا ماشي غير أنا لي كاينا
بقات تغدد وتسمم وماكرهاتش تبكي باش تنفس ولكن فكرات فالمايكاب لي غايخسر ليها، صبرات راسها وناضت جبدات تكشيتها فالبيض منبتة باحجار بنفسجية، التحت دوني والفوق شبكة وذرعينها باينين، لبسات صندالتها دالطالون وشافت فالمرايا تاتقاد لي بان ليها خاسر، هزات بوشيطتها وخرجات من البيت تاتمشى بشويا وشعرها تايلعب وراها، شافت جهة بيت العروسة وترددات تمشي ولا تجلس وفاللخر حسمات قرارها وقصحات قلبها ورجعات لعندهم، لقاتهم تايضحكو بيناتهم، أمين شافها وبقا تايطلع ويهبط فيها باغي ياكلها بعينيه وهي ماشافتش جهتو نهائيا ..
إيمان : ليلي اجي احبيبا تجلسي وحيدي داك الطالون راكي حاملة زعما
ليليان خرجات فيها عينيها ودارت ليها إشارة زعما شنو درتي، شافت جهة راجلها ولقاتو جالس عادي وماباينش فيه تصدم ورجعات ثاني شافت فإيمان ودوات معاها غير بالعينين زعما والله ماتبقى فيك فرشتيني وإيمان فهماتها وحبسات الضحكة ..
إيمان : الكريشة باينا 😉
غمزاتها زعما انا ماقلت والو كرشك لي فرشاتك ..
جهاد : مبروك احبيبا الله يفكك على خير
ليليان (بضحكة صفرة) : ميغسي زين
تهز عليهم الريدو ودخلو ثلاثة العيالات وسلطان وراهم جار شي باليزات عرفوهم النگافات وجات تا دنيا وفرحة عندهم لي شافو أمين وتدهشو واستغربو من البنت لي جالسة حدا إيمان ولي ماعرفوهاش شكون ..
دنيا : ولدي أمين ايمتا جيتي
أمين : شي شويا هادا
النگافة : العريس مازال ماوصل؟
سلطان : قرب فالطريق
النگافة : واخا، نبغيكم تخويو البيت الله يرضي عليكم، خليو العروسة بوحدها بينما جا عريسها ونبداو
فرحة : تعشاو الالة هو اللول؟
النگافة : اييه علاش لا
فرحة : ليليان اجي ابنتي معايا
ليليان : واخا ا ماما
خرجو النگافات وتبعاتهم فرحة ويالاه غاتخرج ليليان وهو يوقفها بصوتو ..
أمين : حيدي داك الزبل من رجليك هو اللول
دارت بحال يلا ماسمعاتوش وخرجات وناض هو وقف ناوي يتبعها وحبساتو دنيا ..
دنيا : تفرق من البنت، جهلتي ثاني؟
أمين : هاديك راها مرتي وفاش نكون تاندوي معاها مايتدخل حد، وهادشي مازال غانگولو گدامكم كاملين
دنيا : أمين الله يهديك اولدي
أمين : الله يهديكم نتوما لاما تفرقو مني وخليوني مني لمرتي
نفض يدها من عليه وخرج من البيت مخنزر تايقلب عليها، ودنيا تعرفات على جهاد ورحبات بيها وخرجاتها معاها برا وبقات غير إيمان جالسة بوحدها تا طبات عليها ياقوت تاني ..
ياقوت : مالهم خلاوك بوحدك
إيمان : هانتي تشوفي، زعما راني العروسة وخاصني نكون محط اهتمام الجميع ساعا كل واحد فيهم وشنو شاغل بالو من غير أنا
ياقوت : ولاتقلقيش لينا اخيتي هانا نگلس حداك ماعدي مايدار تايجي كحل العفطة ديالك
إيمان : ياقوووت خليك عزيزة وبعدي ليا من راجلي الله يستر عليك، راه عاودي ليا على قضية الحرور لي درتي ليه وماتفرقي عليه وخلينا مزيانين
ياقوت : هيهااااي على السيدة شتك تجهدتي عليا ياكما كاتقلبي على شي طرح نسخن ليك بيه عظيماتك قبل ماتبرزي
إيمان : أنا بالله وبالشرع معاك، نوضي اختي خرجي عليا فحالك اللهم نجلس بوحدي ولا معاك نتي موصيبة كحلة تاتمشي على رجليها
بقاو تايتعاطاو فالهضرة تاسمعو الزغاريد وهوما يسكتو وياقوت طارت فحالها هازا سباطها فيديها تاتجري تبرگگ كي عوايدها .. العريس دخل لعند عروستو ولحقات عليهم النگافة لي خوات البيت من كاع الناس وسدات الباب وبدات خدمتها ..
ليليان بقات واقفة حدا مها تايرحبو بالعيالات وأمين تايقلب عليها من بعيد، غير شافتو ودخلات للبيت وراها فين تايبدلو الناس تخشات وسطهم وزگات تا كلشي خرج باش يشدو بلايصهم وبقات تما بوحدها .. العروسة لبسات اللبسة اللولة وخرجات جنب راجلها لي مدور يدو على ظهرها والضحكة من الوذن تا الوذن فرحان وتايحرك راسو للناس لي واقفين والنگافة تاتصلي على النبي تا وصلاتهم للبرزة (بلا مانكثر فوصف العرس حيت فايت وصفت ديال ليليان 😉) .. العرس خدام وهي مراقبا الاحداث غير من واحد الشق فالشرجم تا طلع ليها الدم ..
ليليان : مالو شكون يكون فملك الله تا يخلعني ونبقا محبوسة فهاد البيت، غانخرج نفوج على راسي ونشطح ونوقف مع ختي فنهارها كي درات هي وهو نعطيه النخال يمشي عند ديك المعيوقة ديالو ويلا دوا معايا نعيط لبابا صافي هادشي لي غاندير
قادات حوايجها وخرجات من البيت تاتعلى باش تشوف القنت لي جنب العروسة واش فيه شي بلاصة خاويا تجلس فيها تاحسات بيد تلوات على ذراعها وبدات جاراها وهي تاتعكل تا وقف وهبط حيد ليها الطالون من رجليها وهزها فيديه وهي تاتفركل فرجليها وضرب فيه باش يحطها ساعا هي معامن، خنزر فيها ورصات