Witchcraft

Tale 42

A/N: This chapter will ruin your childhood. Read with caution.

Tale 42
The Show

Maaliwalas ang kalangitan.

Nakangiti ang haring araw habang nakikipaghabulan naman ang mga ulap sa mapaglarong hangin. Alastres na ng hapon subalit mukang hindi napapagod ang haring araw sa pag-ngiti sa mundo. Mainit ang panahon. Isang pangkaraniwang araw ito para sa mga mag-aaral ng Atlantis Royal University.

Makikita ang ilan na abalang nagrereview para sa nalalapit na mga exams. Ang iba ay masayang nagkwekwentuhan.

“Nabalitaan nyo ba? Hailey already marked the transferees as her main target.”
“Yeah. Nabalitaan ko yan sa isa kong blockmate sa Programming. Kawawa naman yung mga transferees.”
“Oo nga eh. Mukang wala naman silang ginagawang masama kay Hailey pero napag-diskitahan pa rin sila.”
“Masyado kasing takaw-pansin ang kagandahan nila. For sure naiinsecure lang yung bruhang si Hailey.”
“Ssshhhhh! Sira ka ba?! Kapag may nakarinig sayo at nakarating yan kay Hailey hindi lang ikaw ang mapapahamak. Baka madamay pa pati pamilya mo.”
“Subukan lang nya! Marami kaming koneksyon sa pulisya.”
“Tsk. Gagi ka! Hindi mo siguro nabalitaan yung nangyari sa isang estudyanteng nag-attempt magsampa ng kaso kay Hailey last year. Natalo sya sa kaso! Walang natira sa kanya kundi yung damit na suot nila ng pamilya nya nung araw na yun. Lahat ng ari-arian nila naglaho. Kaya kung ayaw mong matulad sa kanya, manahimik ka na lang. Or better yet, lipat ka na lang ng school.”

Hindi na nakatugon pa ang kausap nito. Natakot ito sa kanyang narinig.

Sa kabilang banda, walang kamalay-malay ang magkakaibigan sa nadaramang awa ng mga mag-aaral ng Atlantis para sa kanila. Kasalukuyan silang abala sa special training ni Eclipse, ang Stillwater ng Aralon, ang imortal na halimaw na personal silang tinuturuan ng mahika.

“Javen it is very important that you master Healing Magic. Ikaw ang magiging backbone ng mga kaibigan mo sa ano mang laban na haharapin nila. Although your talent is mediocre, may napakalakas na mahika na natutulog sa loob mo. Your potential is limitless, and with me as your master you are destined to be the best Magic Doctor in the entire history of Aralon.” Saad ni Eclipse habang busy sa pagsusulat ng mga simplified version ng mga komplikado at pinakamalalakas na healing spells mula sa kanyang thousand years of memories.

“Napakaswerte mo sapagkat nasa iyong harapan ngayon ang Stillwater na tinaguriang Goddess of Alchemy and Healing Magic.” Pagmamalaki pa ni Eclipse

“Ikaw si Febris?” nawindang na saad ni Javen at maging ang mga kaibigan nya na nagtratraining kasama ang mga familiar ni Eclipse ay napalingon matapos marinig si Javen.

“What?! No! Why do I always get confused as Febris? That woman is the Healer Goddess. I'am Altha, the Goddess of Alchemy and Healing Magic!” saad ni Eclipse na agad napahinto sa pagsusulat sa whiteboard. Kasalukuyan silang nasa malawak na bakuran ng mansion ng mga Clifford sa gitna ng kagubatan.

“Altha? Come to think of it, there really is a goddess called Altha. But she's just a minor goddess so----" agad tinakpan ni August ang bunganga ni Flay noong mag-umpisang dumilim ang kalangitan na tila uulan.

“Ha-ha ang cool.. Isa ka palang Dyosa.” Awkward na saad ni Javen

“Hmmp! It was only for a few hundreds of years. I was also a queen of several kingdoms erased by time. Anyway, as I was saying, Healing Magic is one of my forte considering that my powers originated from the healer god--" saad ni Eclipse na hindi na naituloy ang kanyang sasabihin sapagkat agad nabalot ng lungkot ang kanyang puso matapos maalala ang tanging lalaki na kanyang inibig. Kahit lumipas na ang libo-libong mga taon at kahit dose-dosenang beses na syang isinilang at namatay, iisang lalaki pa rin ang laman ng kanyang puso. Si Amber, the healer god, the god of the woods.