"အ........."
မြေအောက်ခန်းအတွင်း၏ကြမ်းပြင်ပေါ်ဆောင့်တွန်းခံလိုက်ရသဖြင့်ကျောရိုးနှင့်ခုံစောင်းတိုက်မိသွားလေသည်...ပြန်ထဖို့အားယူနေဆဲမှာပင်ပါးပြင်ပေါ်ကျလာသော ရိုက်ချက်တစ်ခု...ဖြောင်း ဟူသော အသံနှင့်အတူ လူပါ တစ်ဖက်သို့ယိုင်ကျသွားသည်...ပါးစောင်နှင့်အံသွား ပွတ်တိုက်သွားသဖြင့်ပါးစပ်မှသွေးများပင်ယိုကျလာသည်...ငန်ကျိကျိသွေးစများကိုကြမ်းပြင်ပေါ်ထွေးထုတ်လိုက်ပြီးနောက်ပြန်မော့ကြည့်လိုက်သည့်Venessa...အသနားခံခြင်းလုံးဝမရှိဘဲလှောင်ပြုံးပြုံးနေသော သူမမျက်နှာထားကြောင့်နောက်ထပ်ကန်ချက်တစ်ခုမှာ သူမရင်ဘတ်သို့ရောက်လာသည်...
အောင့်တက်သွားသော ခံစားချက်နှင့်အတူနောက်ထပ်ထွေးထုတ်လိုက်သည့်သွေးစများ....အင်းလေ..ဘယ်သူကများ Venessaလေး အိမ်ထဲဝင်လာထိုင်လက်ဖက်ရည်သောက်ဟုပြောမည်နည်း...မလှုပ်နိုင်တော့သည့်အထိ ရိုက်နှက်ပြီးမှမေးမြန်းမည်ကို စစကတည်းကပင်ရိပ်မိနေသည်...
"တော်တော့...ကဲ ကြီးကျယ်ခမ်းနားလှတဲ့ စုံထောက်Venessa....Midnight Flower အကြောင်းပြောပြလို့ရပြီ..."
ရုတ်တရပ်လက်ကနဲပေါ်လာသည့်အရာကြောင့်Samဘေးဘက်သို့ရှောင်လိုက်သည်...သူထင်ထားသည့်အတိုင်း စားပွဲပေါ်တင်ထားသည့်ပန်းသီးလှီးသည့်ဓားနှင့်ကောက်ပစ်လိုက်ခြင်းဖြစ်သည်....
အနောက်မှ ချူပ်ကိုင်လိုက်သည့်အစောင့်၂ယောက်လက်ထဲမှ အတင်း ရုန်းနေသည့်Venessa မျက်နှာကို ဘယ်ပြန်ညာပြန်၄ချက်ဆင့်ရိုက်လိုက်သည်...
ထို့နောက်ဝမ်းဗိုက်အပေါ်ပိုင်းသို့ ထိုးသွင်းလိုက်သည့်လက်သီးတစ်ချက်အပြီးတွင်Venessaခေါင်းပင်ပြန်မဖော်နိုင်ပဲ ပါးစပ်မှသွေးများ ပွက်ကနဲ ကျလာသည်..."ကဲပြောစမ်း...Midnight Flowerအကြောင်း..."
စကားပြန်မလာသည့်Venessa ကို ကြည့်ရင်းစိတ်မရှည်တော့သဖြင့်အေးစက်နေသောရေများက်ိုခေါင်းမှလောင်းချခိုင်းလိုက်သည်..ရေမွန်းသွားသောကြောင့်ချောင်းများဆိုးကာအသက်ကိုလု၍ရှူရှိုက်နေရသော Venessa ၏မေးစေ့ကိုဆွဲကိုင်ကာ မျက်နှာချင်းနီးကပ်စေ၍ သတိပေးလိုက်သည်...
YOU ARE READING
Midnight Flower (Season 1)
Actionသန်းခေါင်ယံအချိန်မှာ ပွင့်တဲ့ ပန်းတစ်ပွင့်ဟာ တခြားပန်းတွေထက်ပိုမိုလှပတယ်ဆိုတာ လူတိုင်းသိကြပါတယ်...ဒါပေမယ့်သူတို့က အဆိပ်တွေနဲ့ ပြည့်နှက်နေတယ်ဆိုတာကော သိကြပါရဲ့လား Own Creation Not Translation Starting date Oct 5 2018 The First Season...