"အစ်မ ဟိုနေ့ ဖက်ထုပ်လုပ်စားတဲ့နေ့က ဘာလို့ အဲ့လိုလုပ်လိုက်တာလဲ..အစ်မ အဲ့လိုလုပ်လိုက်တော့ Lous က သူ့သမီးကို ဒီကို ပြန်ခေါ်တော့မှာ မဟုတ်ဘူး..."
စားပွဲပေါ်တင်ထားသည့်ပန်းသီးစိတ်ကိုကောက်စားလိုက်ရင်းမေးမြန်းလိုက်သည်...Lous ဆိုသည်မှာ Chan Yan ကို အသေအလဲ အလိုလိုက်ကြင်နာလှသည့်အပြင်သူမအတွက်မိသားစုကိုပင်စွန့်ပစ်ထားသည့်လူတစ်ယောက်ဖြစ်သည်လေ....
"Yaung.... သူ့ကို အနားမှာ ထားရင်ပထုတ်ရတာ လွယ်ပေမယ့်နောက်ပိုင်းကိစ္စက ရှင်းရခက်တယ်...အထူးသဖြင့်Venessaနောက်ကွယ်မှာ Midnight Flowerရှိတယ်သတင်းရပြီးကတည်းက ငါ သူ့ကို အဝေးမှာ ထားတာ ပိုသင့်တော်တယ်လို့မြင်တယ်..."
"Sam ကိစ္စက သူနဲ့တိုက်ရိုက်ပတ်သက်နေတယ်...
သူ့ကို ဖမ်းမိတယ်လို့ Sam ဆီကနောက်ဆုံး phone call ရသေးတယ်..ဒါပေမယ့်မနက်ရောက်တော့ Sam စံအိမ်တစ်ခုလုံး မီးရှို့ခံရတယ်လို့ သတင်းကြေညာကော...Venessa ရဲ့ဖြစ်တည်မှုက Midnight Flower အတွက်အရမ်းအရေးပါမှန်းသိသာတယ်.."Lim Yaung ခုံပေါ်တင်ထားသည့်ရေခွက်ကို ယူသောက်လိုက်ရင်းပြောလိုက်သည်...Chan Yan ကတော့ စီးကရက်ဘူးထဲမှ စီးကရက်တစ်လိပ်ကို ထုတ်ကာ မီးညှိနေလိုက်သည်..
"Lousက သူ့မိန်းမကိုသာ သူစွန့်ပစ်တာ သူ့သမီး Venessa ကိုသူမစွန့်ရက်ဘူး....အဲ့နေ့က Venessa သူ့အမေနဲ့ ပါသွားတော့ Lous ဘယ်လောက်နာကျင်သွားလဲ သိလား.."
စီးကရက်ကို တစ်ချက်ခန့်ဖွာထုတ်လိုက်ရင်းပြောလိုက်သည်..သူမ မျက်ဝန်းအစုံမှာ အထက်သို့လွင့်မျောသွားသည့်စီးကရက်ငွေ့များကိုငေးမောကြည့်နေသည်....
"ငါတို့ Long ဂိုဏ်း ဥရောပမှာနေရာရဖို့ Lous ရဲ့ အင်အားလိုတယ်...အခုLous အင်အားရဲ့ တစ်ဝက်ကျော်က Elisa ပစ္စည်းတွေကနေ ဖြစ်လာတာ.အကယ်၍များ သူသာ Venessa ကို ပြန်ခေါ်လိုက်ရင်ငါတို့မျှော်မှန်းထားတဲ့ Long ဂိုဏ်း ဥရောပမှာနေရာရမယ့်အစီအစဉ်ကပျက်စီးသွားလိမ့်မယ်...အဲ့ဒီ့အပြင်ငါတို့အကြံတွေကိုပါ Venessa သိသွားမှာ."
ESTÁ A LER
Midnight Flower (Season 1)
Açãoသန်းခေါင်ယံအချိန်မှာ ပွင့်တဲ့ ပန်းတစ်ပွင့်ဟာ တခြားပန်းတွေထက်ပိုမိုလှပတယ်ဆိုတာ လူတိုင်းသိကြပါတယ်...ဒါပေမယ့်သူတို့က အဆိပ်တွေနဲ့ ပြည့်နှက်နေတယ်ဆိုတာကော သိကြပါရဲ့လား Own Creation Not Translation Starting date Oct 5 2018 The First Season...