مُدثر

الجزء الواحد والعشرون

#مدثر#الجزء  واحد و عشرون

لن أنكر فقد أزدت ألما ووجعا أكثر مما كنت عليه، تمر الأيام واكتشف اني كنت على الطريق الخطاء فقد أعطيت الكثير، وقد حان الوقت لكي اخذ، ولكن لا أريد سوى حقي اعلم جيدا اني سأعود اقوي مما كنت، أما الانكسار بداخلي فلا يمكن إصلاحه حتى بعد مائة عام، هل أخطأت امي حين كانت تقول: "اخواتك امانه بين ايديك حافظ عليهم"، فماذا افعل اكثر مما فعلت، لماذا لم تقل لهم ايضا هذا أبوكم الثاني هو من يحميكم هو من أفنى عمره من أجلكم ومازال يفعل، تبا للقلوب التي تعيش لنفسها ضاربة بعرض الحائط كل شيء، اضحك وأقول لنفسي 'اذا لو كنت فقير من البداية لاختلف الأمر كثيرا حقا'.
اسمع طرقات على الباب ومعها صوت الكبير ينادي "مدثر مدثر انا عمك عبد الحميد يا والدي ومعايا سعاد جايه تقولك على حاجه"، انهض ببطيء شديد وافتح الباب ولكن قبلها مسحت وجهي من اثر البكاء وان كانت علامته واضحة، يبتسم الكبير كعادته بينما سعاد مازالت ملامحها متجمدة بعض الشيء جلس الكبير بجوار شقيقته وذهبت أنا للجلوس في نفس المكان وان كان بعيد عنهم قليلا، يندهش الكبير ويقول "خير يا مدثر مالك انت مش فرحان ان صافيه اختك وبنتها جم يحضروا فرحك"، تتبع كلامه سعاد باتزان شديد وتقول "شوف يا مدثر يا ولدي انا عرفت كل حاجه من عبدالحميد اخويا وعرفت انت تعبت اد ايه علشان تربي في اخواتك وكنت ليهم كل حاجه وهم مردوش الجميل بس دي مش نهايه العالم انت راجل ولازم تبجي اجوي من كده النهارده چت صافيه بكره يچي الباقين كل حاجه بالصبر حلوه واوعي تنسي مهما عملوا انهم اخواتك وتضيع عمرك على الفاضي في الانتقام عمرك هيخلص وفِي الاخر ملكوش غير بعض احنا ضيعنا اربعين سنه كنّت محتاجه فيها اخويا الكبير وبكر كمان كان كده بس كنا بنكابر مع اننا اللي غالطنين"، انظر لها في ضعف وأنا اجلس مكاني ثم أقول "انتم كان عندكم النيه في كده رغم المشاكل اللي دعيتوا بيها لكن انا وضعي غيركوا اخواتي عاوزين يضروني واتبروا مني وفضحوني كل ده علشان فلوسي راحت ومبقتش زي الاول خافوا على نفسهم مني لاعرهم ولسه بيحربوا فيه مش هضحك عليكم انا تعبت بجد ووصلت اني عاوز ابعد عن الدنيا كلها ساعات بيبقي جوايا احساس أني عاوز انتقم منهم بس مش هكدب عليكم أوقات كتير بتخيل انهم في حضني"، ينهض الكبير و يقترب مني ويقول "طب ما صافيه جت اهي تفرح معاك" ارفع راسي وقد ملأت الدموع عيناي وأنا انظر له قائلا "صافيه مش جايه تفرح دي جايه توقعني يا كبير انا عارف حضن اختي كويس وحافظ وشها ولما تكون صادقه ولما تكدب وصافيه جايه مزقوقه من اخوها للاسف"، اتسعت عيون الكبير ثم ينظر الى سعاد ويقول "انتي قولتي نفس الكلام قولتي البنت دي جايه ونيتها الغدر بس ياريت اكون ظلمها"، تبتسم سعاد وتقول "انا لحد دلوقتي مش عاوز اظلمها ولحد لما خلصت كلامي مع مدثر بقوله اختك جت يمكن الباقين يحنوا بس اتاكدت لما سمعت منه الكلمتين دول دي حاجات بتتحس"، يغضب الكبير ويقول "دي لو مكنتش اختك انا كان هيبقي ليا تصرف تاني معاها بس تكرم علشان خطرك"، "شكرًا يا كبير طول عمرك بتفهم في الأصول" قلتها لأقف بجواره، ليقول "انسي النهارده كل ده انت عريس افرح الليله دي وانسي كل حاجه واحنا جنبك واهلك وناسك"، تقف سعاد أيضا وتقول في تردد وهي ترفع يدها "انا عاوزه منك طلب يا مدثر"، وجدتني أقول لها دون أن اشعر "طبعا يا امي اتفضلي"، تفيض عيناها دمعا وتقول "انا ربنا مرزقنيش بالذريه متجوزتش اصلا بس حاسه اني لو خلفت ولد كان هيبقي زي، دلوقت، تعالى في حضني يا ابني"، اقترب منها وهي تفتح ذراعيها واحتضنها بشدة، لا اعلم هل هذا ما ابحث عنه ام ما تبحث عنه هي ولكني شعرت بالراحة الحقيقية لتقول وأمازيغ حضنها "من هنا ورايح تقولي يا امي مش عاوزه اسمع غيرها" لم أرد عليها ولكنها شعرت برأسي وأنا أوافق
*****^^******************