#يا نصفي الثاني

الجزء الأول

#يا نصفي الثاني

الجزء الاول،،،،،،،،

عماد:شلونج بنونة ان شاءالله بخير???

بنين:الحمدلله انتو شلونكم اسيل
الجهال????

عماد:زينين الحمدلله جتي وياية بس
ذبيتهة يم السوك وية أفراح

بنين:ياااا افراح هم جتي???

عماد:عوفج من خواتج هسة وكليلي
هاي هي اتوكل واحجي وية حماج????

بنين:اييي فدووة الله يخليك بلكت
يرضى يرجع فهد

عماد:ان شاءالله باجر اتصل بيه صاحبي
دبرلي تليفونه وعنوانه هم

بنين:فدووة لكلبك ربي يحفظك
ويخليك لعائلتك،،،بيومهة انولدلي
امل جديد بلكت ابني يرجع لحضني
رجعوا البنات من السوك والحلو
طلعت حتى نور وياهم التمن يمي
وهوسة الجهال نستني ابني شوية
خطية كل وحدة مشتريتلي غراض
مقسمين الشرة بينهم وحدة ملابس
وحدة عطور ومكياج و وحدة شامبوات
ع حمام زيتي وزيوت،،،بس وين
اني كل ذني نسيتهن،،،،

اسيل:بنونة حبيبتي ادري الي راح
اكوله الج صعب بس حاولي تتقبليه
واحنة خواتج ونريد مصلحتج

بنين:شكووو خوفتيني ابني بية شي???

افراح:لاااا ياروحي مابيه شي اسم
الله علية،،بس سمعي اسيل

اسيل:شوفي بنونة عماد يكول من
مصلحة بنين وابنهة ان تزوج حماها
اوكفي لا تتسرعين وتحجين شي
شوفي ترى جمعتنة هنا مو هيج بس
ماجد خابرني وكلي تعالي لاختج
فهميهة بنين ماجد متفق ع هالخميس
عقدج يعني بعد يومين حبيبتي ماجد
رافض ابنج نهائي يكولي اني مربط
لا اكدر اطلع عائلتي لا اونسهم بلة
شنووو عيال بنين لازم يرضون يلة
مخلي ابنج حجة وشفتي بنفسج شلون
خزانة من حجى كبال عيالج وخلاهم
ياخذون ابنج ويروحون،،،
فيا بنتي ارضي بحماج ع الاقل تضمنين
ابنج بحضنج هاي شغلة،،،
وشغلة ثانية حق ابوه يظل اله مو
مثل كل مرة نص راتبكم بحلك رونق
ولج عماد يكول اصلا من ينطيج
الراتب هو ماخذ منه وانتي تردين
تنطيه،،،حكمي عقلج ترى همة اهله
شكد تريدين تبعديه عنهم يجي يوم
ويرجع الهم لان ماله سند غيرهم
انتي تظلين مرة لا سامح الله من
يكبر بأي مشكلة يواجهة يرجع عليهم
عمامه عشيرته يلفوه ميعوفوا
بس تبقين انتي وحدج والشغلة الاهم
فكري بمستقبله هناك محد يأذي
لان هذا ابنهم وانتي بعد ظلت يمج
تريدين تكملين حياتج طبيعي وية
الرجال تريديه يظل بس ابو لابنج
بس صدكيني بكل الي راح يصير
انتي الخسرانة الوحيدة عمرج راح
وصحتج انتهت شنو الي تريدين تواجهي
بعد

بنين:ظليت ابجي مع ان كل حجي خواتي
صح الكل ايد حجي اسيل واني شبه
اقتنعت بحجيهم بس شلون هو اخو
زوجي

نور:بنتي شبيج زواجكم يصير مجرد
حبر ع ورق شوكت مشفتوا نفسكم
متقبللين بعض تمموا زواجكم بنين
حياتج ومصيرج بيد حماج هو الوحيد
الي يكدر ينقذج من ماجد وظلمه