يا نصفي الثانيبقلمي شروق السامرائي
#يا نصفي الثاني
الجزء الرابع.............
بنين:رجع ليث واني بقيت يم اسيل
اتفقت وية البنات السهرة يومية يمهة
بس افراح ونور كالوا نتشارك بكلشي
العشا والغدة وحبشكلات السهرة وجودي
بنصهم اكبر راحة الي ابني منطلق وية
الجهال ابد ممتعبني كله بيد جنة اخت
عماد الصغيرة صف خامس علمي كلش
متعلقة بعماد واسيل كلش حبابةجنة:بنين راح اسبح فهودي نعس
اسيل:جنونة بكيفج شتريدن تسوين
سوي،،،يااا صفنت معليج بتي اخذيهة منيبنين:ضحكت بوجهة اي حبيبتي بكيفج
ولج اسيل شكد تنحب هالجنةاسيل:اييي هادئة وطيبة كلب بس مرت
اخو لعماد شادة وياها واني كلت لعمتي
كلما تضوج ادزهة يميبنين:افراح اريد اروح لصديقتج الي
عدهة مركز تجميلافراح:اييي بعيني هسة اخابرهة اشوفهة
بنين:خابرت افراح ونطتهة علم واتفقنة
باجر الصبح نروح،،،صدك والجهال شلوناسيل:جهالي يم جنة يبقون كبار ميسوون
هوسة وانتي خلي فهد يمهةنور:اني اذبهم يم عمتي
افراح:واني اعوفهم يم ابوهم باجر ماعدة
شيبنين:زين شلون اخاف....
اسيل:لاتخافين والله جنة سباعية
واصلا هي مكيفة عليةبنين:الله كريم،،،كمل اليوم عادي بين
سوالف وضحك نفسيتي ارتاحت حيل
والبنات ابد مضغطن علية بالحجي نورا
كلتلي براحتج شوكت ميعجبج تحجين
احنة موجودين،،،،
ثاني يوم جان جمعة افراح خابرت اسيل
كلتلهة ورة الغدا نروح اني خابرت
ليث وبلغته بالطلعة،،،تغدينة وكملنة
عماد كال روحوا اني وجنة نبقى يم
الجهال وجنة خطية محجت شي بس
رادت فهد يبقى يمهة واني ظليت
اوصي بية،،،،
اجني البنات واخذنة تكسي جيران عماد
وصلنة للمركز مبين علية راقي دخلنة
كامت بنية استقبلتنة بكصة خواتي
وياها عاملات الداخل فدشي حلوو
ظلت تسولف وية البنات كل وحدة
حجت شتريد تسوي الى ان وصلت اليضحكت وكتلهة اني يرادلي كومة شغل
رفل:لاااا حبيبتي انتي اصلا حلوة بس
الظاهر هاملة نفسج فترةافراح:حبي هي توفى رجلهة واعتزلت
كلشي وقبل كم شهر ازوجترفل:ياااا وهيج عايفة نفسج تعالي اليوم
اني استلمج وانتن كلمن تشوفلهة وحدةبنين:حفتلي ونظفت جسمي وسوتلي
تنظيف بشرة ع تقشير ومن هالسوالف
وراها سوتلي معالج للشعر وكالتلي فترة
يلة اكدر اصبغلج واني اصلا لون شعري
حلو بني وبية خصل جوزي هو لونه
الطبيعي هيج،،،،،
ظلت تنصحني بزيوت للشعر وشغلات
للبشرة والجسم،،،
اشتريت منهة زيوت للشعر ع حمام زيتي
ع غسول للجسم كومة شغلات بحيث
صدك تغيرت نفسيتي اباوع لروحي
بشرتي تضوي مو اني ضحكت والبنات
خطية مكيفات للمغرب كملنة طلعنة
نتمشى اشتريت ملابس جديدة كلهة
الوان ملابس بيت وللطلعة وحجابات
واخذت ملابس نوم ودشدايش خفيفة
وكصار البسهن بغرفتي واخذت لفهودي
هم اشتريت لسرى كم دشداشة قصيرات
وحلوات مال نوم فتنة من يم محل
رجالي ساعات ع سبح ومداليات عجبتني
سبحة فضي وبيهة حجر كريم ازرك
كلش حلوة كلت للبنات عليهة وشجعوني
اخذهة طبينة للمحل والرجال حطهة
بلعبة نيلي طوخ وحطهة بعلاكة صغيرة
مال هدايا فرحت حيل بيهة كل هاي
وبقت عندي فلوس اشتريت كلشي
بنفسي مثل الجهال جبس بتيتة وشامية
واشتريت اذرة اموت عليهة والبنات
يضحكن بس بنفس الوكت احس
مقهورات علية وشربت عصير بطيخ
الى ان انتخمت ردت اشتؤي للجهال
بس اسيل كالت عماد ماخذهم بالسيارة
ومتسوكين،،،
افراح خابرت رجلهة حتى يرجعنة واشتركنة
اربعتنة واشترينة عشى جاهز مشاوي
ع مقبلات وفنكر جاهز وببسيات
وصلنة للبيت هدوء استغربت لمنة
شفت الجهال كاعدين ع فلم كارتوني
وفهد بحضن جنة اول مشافني ضحكلي
بس مبي حيل يكوم مبين نعسان
حضرنة السفرة وكعدنة نتعشى الكل
موجود بس رجل نور ماكو باليل يمر
عليهم تونست حيل والحلو ان لا عماد
يضوج من الهوسة ابيته ولا رجل نور
او افراح يضوجون من هاي اللمة بالعكس
اشوفهم اصدقاء كلش بالعشرة وعماد
يتوسل بيهم حتى يباتون الالفة بينهم
والمحبة كلش حلوة اتمنيت اني يمهم
دوم وقريبة منهم وهم هيج اتجمع
وياهم لليل كملنة كلشي وكعدنة ع صفحة
ونسولف نسيت نفسي وحجيتلهم كلشي
من اول ما التقيت بليث لحد هاللحظة
أنت تقرأ
#يا نصفي الثاني
Romanceوفي اسوء حالتها بگت ثم ضحكت وقالت لا بأس سيأخذ الله حقي في يوما ما،،، شابة في العقد الثاني،،تترمل وتحكم الظروف بزواجها من حماها،،،كيف ستكون حياتها القادمة