#يا نصفي الثاني

الجزء الخامس عشر

يا نصفي الثاني

بقلمي شروق السامرائي

جنة:مرت الايام عادي بسلام والحمدلله يزن
بعد متعرضلي وحسب مكالت رفل ان طلاب
كايلين انقل لغير جامعة بطلب من رئاسة
العميد الحمدلله اهم شي خلصت منه،،،
اما حسين صرت اشوفه بين فترة وفترة
مجرد ابتسامة وسلام من بعيد ابد ميتقرب
مرات بس نظرات بينة بس احس نظراته
بيهة حجي ميكدر يكوله،،،
حسين صار من ضمن يومي لازم اشوفه
يومية حتى لو ماكو سلام كفاية عيوني
تشوفه،،،
مرات ميشوفني بس اني اشوفه،،،
اروح لكليته بحجة استنساخ او غير شي
هو ميعرف بية اجي هنا اصلا،،،،
كمت احب دوامي بشكل اكعد من نومي بكل
نشاط بس حتى اروح واشوفه،،،،
وصرت اكره ايام العطل رفل بس تضحك
علية وتذبلي حجي مرلت تنصب علية تكولي
اجة حسين واني اظل اتلفت ومن اشوفهة
تضحك اعرف ناصبة علية،،،

حسين:تعلقت بيهة حيل صارت محور حياتي
والدنيا ادور حواليهة امر لجامعتهة يومية ومن
بعيد بدون متدري اسرق النظرات واشبع
عيوني شوف بيهة ايام العطل اكضيهة اكثر
شي ابيت ليث احس بنين ريحة منهة
واكول عسى ولعل يجي طاريهة بكلمة بموقف
ومرتين صدفت فهد يخابر عليهة ويسولف
وياها من اسمع صوتهة انتهي اروح لغير
عالم قررت احجي وية ليث واخذ نصيحته
البنية جبيرة وخايف لتجيهة قسمة زينة
واهلهة ينطون غير اموت،،،
الحمدلله الشهادة ان شاءالله مباقيلي غير
القليل شغل والف الحمدلله والشكر موجود
وراتبي خير من الله واصلا مقرر اظل مستقر
ابغداد ما ارجع لاهلي واتردد عليهم بأيام
العطل،،،،
انتهزت الفرصة دام صارلي يومين هنا وعكب
باجر نازل لبغداد خل احاجي اليوم وان شاءالله
يصير خير،،

ابو فهد رايد اخذ رأيك بسالفة،،

بنين:خل اكوم اجهز الجاي تعال فهود خل اغسلك

ليث:خيير حسون احجي،،ولو انت صارلك
فترة معاجبني صفناتك وتتهزم منا وكاضيهة
كلهة ابغداد،،،

حسين:بصراحة ليث اني نويت ان شاءالله
اتزوج

ليث:اييي يا الله بيهة الخير يارب حاط عينك
ع وحدة لو اخلي....

حسين:فركت وجهي وكتله لا حاط عيني ع وحدة

ليث:شكووو منهة اذا بنت اوادم وبنت حسب
ونسب ليش لاااا،،منية هي???

حسين:تعرفهة عز المعرفة وتعرف اهلهة هم

ليث:شني هي حزورة ولك اخاف حاط عينك
اعلة وحدة من بناتنة???

حسين:لاااا يابة غربية واصلا مو منا من....

ليث:بغدادية موو،،،???

حسين:اييييي

ليث:اخت ابو يوسف الصغيرة مووو???

حسين:ليش احسك ضايج ???