#يا نصفي الثاني

الجزء الثاني عشر

يا نصفي الثاني

بقلمي شروق السامرائي

#يا نصفي الثاني

الجزء الثاني عشر........

بنين:ايام صعبة مرت علية متيهة روحي
ما ادري ليلي من نهاري بس نوب حتى اكل
ما اكل بالكوة ليث يوكلني شوربة
وشينزل بمعدتي اذبه صرت جلد وعظم
ابني ما ادري بية وين ما وين تجيني اوقات
اكره الكل واتمنى اذيهم،،،
وصلت بية المواصيل ردت اكتل فهد،،،
صحيت ع روحي شفت فهد بيدي ولازمة
السجين وجارحته بركبته وطالع دم
رأسا عطت من الخوف وشمرت السجين
ودفعت فهد من حضني خطية راح ركض
لحضن ليث اباوع بالوجوه ،،،،
ليث وسرى وحسين يريدون يركضون
علية بس خايفين مكدرت احجي شي
لملمت نفسي ع الحايط وارجف وعيني
ظلت ع فهد الي واكف ورة ابوه وخايف
مني اني شديصير وياية شنو تخبلت
ع اثر هالموقف ظليت احبس روحي وما اخلي
احد يتقرب مني اخاف لا اذي احد منهم
كل ساعة تمر علية اموت الف موتة بيهة
صرت ع يقين ان خلص تخبلت
وراها احس دخلت بحالة غيبوبة مرات
اسمع حسهم يمي يحاجوني شي
بس اني ما اكدر لا احجي ولا اسوي شي

ليث:انتهيت بعد بنين مظل بيدي شي اسوي
فقدت السيطرة ع نفسهة وتصرفاتهة
اكثر من مرة حاولت تكتل فهد ونلحك
عليهة مرة حسيت عليهة فوك راسي
وشايلة حبل بيدهة خرعتني منظرهة
غريب ومدري شتحجي وتأشر عبالك
احد يحجي وياها تأذيت عليهة كلش
اخر مرة صحت وشافت منظر فهد بيدهة
وراها ابتعد حيل مترضى احد يوصل الهة
صارت تأذي بنفسهة،،،
جنت كاعد من النوم الصبح فهد ينام بليل
يم جهال مرتضى منأمن علية يم بنين
سمعت صوت بغرفته والضوة مشتغل
طبيت ع كيف شفتهة كاعدة بالكاع
وتشكك بيدهة والدم داير ميدورهة منظر
مفزع طبيت ركض جريت حجابهة
وشديت ايدهة،،،
شبيج بوية ليش هيج جاي اسوين برويحتج
ردي علية بنين
ظلت تضحك وتلزم بوجهي ومدري
شتحجي لبستهة عبايتهة واخذتهة
للمضمد يصير صاحبي خطية شافهة
رأسا خيطهة الحمدلله محتاجت خياط هواي
ونصحني امشي بيهة للعلوية الشريفة
بت الحسن سلام الله عليهم،،،
كال اكو هيج حالات صايرة والحمدلله
يشفون،،،،
رجعنة للبيت بيومهة ابوية والولد كاعدين
حجيتلهم الصار كعدت هي ع السفرة
اكلت شوية اني جنت احجي وياهم
ابوية كال السيد راح يصل اليوم ويشوف
جفلنة ع عيطة حسين لازم ايد بنين
لازمة سجينة وتريد تضرب روحهة متحملت
ظليت اصيح واعيط واضرب براسي
الي ديصير فوك طاقتي ابوية جرني
واخذ بنين قرة ع راسهة جان تندار
تضرب ابوية وتتفل عليه كلنة صفنة هي
ضحكت وصعدت

ابو ليث:لاحول ولا قوة الا بالله بوية لاتهم
مو بوعيهة البنية راحت من ايدينة دخيلك
ربي عينه وصلح حالهة يارب

ليث:بيومهة مكدرت اطلع للشغل صاروا
الاهلية كلهم يعرفون بقصة بنين وكل
واحد جايني يفتي شكل ،،،،
عمي ابو سعود ظل يحجي ع مريضة بعقلهة
راجع دكتور نفسي خسرت شغلك بسببهة
وتعاركت وياه وية ابنه و وكفوا بوجهي
ع ابو دنخسر من وراك يومية يا مسافر
يا مطلع حجة بمرتك متحملت تضاربت وية
ابن عمي وعفتهم وطلعت رجعت للبيت
شفت الوجوه متبشر بخير مشيت للغرفة
ابوية صاح