يا نصفي الثاني
بقلمي شروق السامرائي
#يا نصفي الثاني
الجزء العاشر..........
ليث:يلة لوية عجلي راح نتأخر
بنين:هياني جيت،،،جيت،،طلعت وكفت
كباله شفته عگد الحاجب،،شنووو مو حلووو
ليث:حلوووو بس مو جنة ملفت حيل
بنين:هو اني يم النسوان وبعدين العباية
فوكه
ليث:بنين والمكياج وهالدناديش
بنين:اييي شبيك ياعيوني غير اني مرت
الابن الجبير ولازم يبين علية واهتم بروحي
والله ميبين شي مني فدووة
ليث:ماااشي فضيني يلة خل نطلع كلهم
جوة ينتظرون
بنين:اليوم المشية مالت عمي قبل 10 ايام
راحوا خطبوهة وقبل يومين دزوا الموافقة
واليوم من الصبح ان شاءالله طالعين لبغداد
حضرت غراضي ابقى ابغداد كم يوم اشوف
خواتي ،،،،
تحركنة كم سيارة خير من الله مشية
مرتبة،،،همزين الطريق فارغ مو ازدحام
وصلنة لبغداد رأسا لبيت البنية ما شاءالله
بيتهم حلو ومرتب وهم عدهم ناس كرابتهم
سلمنة عليهم واتعرفنة ع البنية وامهة
وخواتهة،،،،
مبين عليهم خوش ناس والبنية حلوة
وناعمة وبس تبتسم وجهة بشوش
عمات ليث مكيفات بيهةةويسولفن
عن عمي ويمدحن بيه ويسولفن بالولد
هلكد عده طبعا خلود وانسام مجوي مرضوا
ع زواج ابوهم عمتي بعدهة يم اخوهة
ورافضة ترجع الا يتراجع عن زواجه
كعدت يم البنية نسولف ونضحك عرفتهة
عن نفسي اسمهة اميرة عمرهة35سنة
بيضة شعرهة جوزي فاتحته نصه ونص
رافعته جانت لابسة فستان كريمي بسيط
بس حلوو وانيق وذهب هم جانت لابسة
طولهة حلووو مناسب لجسمهة صفنت
عليهة شكد فرق بينهة بين عمتي خرب
ان لو تشوفهة هي وبناتهة والله ليموتن
من الغيرة،،،،
ورة نص ساعة ودخل ولد بكصة ليث
وصاح ع اميرة وامهة كالوا راح يعقدون
شوية واشتغلت الهلاهل كمل العقد رجعت
كعدت يمنة باركنالهة وعمة ليث الجبيرة
طلعت علبة الذهب ولبستهة وباقي خواتهة
كل وحدة حاجة ذهب اني هم طلعت
علبة صغيرة كلادة اية الكرسي كتلهة
هاي من ابنه الجبير ابو فهد خطية ظلت
تشكر منة هاي عادات عيالي هيج بالعقد
والصباحية يهدون ذهب لا فلوس ولا غراض
ظلينة ساعة والنوب طلعنة اني وية ليث
بسيارته ويانة حسين يذبني ابيت اسيل
ويرجع وية عيالي ،،،،،
وصلنة لبيت اسيل جانت الباب مفتوحة
وجنة دتغسل الدرب
ليث:هاييي ياهو ابيت ابو يوسف???
بنين:هاي جنة الي حجيتلك عليهة اخت
عماد اصغر وحدة بيهم هاك شوف فهد
شلون تخبل عليهة،،،
فهد كام يكمز ويصيح عليهة هي ظلت
مدنجة راسهة من شافت السيارة طبكت
بالباب رفعت عينهة وابتسمت من شافتني
دخلت الصوندة و وكفت بالباب نزلت
فهد راح ركض عليهة شالته وتبوس بيه
شلونج جنو بوستهة
ESTÁS LEYENDO
#يا نصفي الثاني
Romanceوفي اسوء حالتها بگت ثم ضحكت وقالت لا بأس سيأخذ الله حقي في يوما ما،،، شابة في العقد الثاني،،تترمل وتحكم الظروف بزواجها من حماها،،،كيف ستكون حياتها القادمة
