#يا نصفي الثاني

الجزء السادس

يا نصفي الثاني

بقلمي شروق السامرائي

#يا نصفي الثاني

الجزء السادس..........

ليث:بس فهمني شنو من دماغ شايل
لشوكت تظل هيج يعني انت متوب لك ابوهة
ذاك المرة شكلك مو بالكوة ردهة الك
يابة اكطع الله يخليك ترى والله مالي
خلك مشاكلك من جديد يعني انت عاجبك
الوضع يعني هي لو رايدتك من صدك جان
رضت بيك من تقدمت الهة مو ظلت
اطلع حجج حرت اشسويت بالبنية سكتت
وتحملت وتالتهة عقلت ومشت حياتك
والنوب رديتلهة وهم صارتلك هوسة
وطبتلك من غير دروب وهجمت بيتك
مو ارتاحينة وكلنة خلص غلطة ومتنعاد

مرتضى:فدووة الك كافي مالي حيل
شي بعد مجان ابالي هيج هي بس طلبت
شغلة مساعدة سويتهة لله مجان ابالي
هيج يصير وبعدين منو كال اكو شي
صاير هي ظلت تجادل وتتجسر

ليث:ابشنو اجسرت احجي خل افهم

مرتضى:ما ادري انة رجعت ضايج ومخنوك
وامي تلكتني مرتك ومرتك وخلود تتبجى
وانة روحي طفرت دست شوية بالحجي
وهي كبل راحت ع سالفة مها وهددتني
تروح لاهلهة وراها فقدت مدري شجاني

ليث:ترى ميحتاج كل هذا يعني انة هسة
اذا امي حجت اروح كبل اطلع حركتي
بمرتي بلة شنو امي كالت

مرتضى:مردت اضوجهة وهي ضايجة
من سالفة ابوية

ليث:خوية لعد يرضي ربك هيج تسوي
بمرتك بلة شنو امك ضايجة شنو ذنبهة
بنت الناس وبعدين انت خايط ومخربط
لاتذب غلطك بحجة امي مدري شنو
وليوين متوصل ميصير هيج تجرم
بالبنية خبلت جهالك مخفت تموت بيدك
ضربك كله براسهة،،،

مرتضى:جنة دنحجي وطبت بنين تركض
تبجي،،

بنين:نزلت يم الجهال بالمطبخ لهيتهم
حتى ميبجون ع امهم شيرين يم ليث
بقت ع غفلة سمعت سرى تبجي وتصيح
كمت ركض شفتهة يم الدرج ولج شبيج

سرى:يمكن دقايق غفيت حسيت ع الم
يموت براسي ونفسي كلبت ركضت
للحمام ظليت استفرغ والنوب الوجع
زاد ما اكدر افتح عيونه ظليت اصيح
ع بنين سمعت صوتهة يمي،،،
ولج احكيلي مداكدر افتح راسي،،،راسي
فدوة اخخخخخ

بنين:تعاي هنا كعدي هسة اصيح ليث
لا تتحركين لتوكعين،،نزلت ركض ليث
ليث فدووة الحك سرى مدري شبيهة

ليث:استغفرك ربي واتوب اليك،،صعدنة
فوك شفته مفرفحة بالكاع وجهة اصفر
كركم ومرتضى ركض يمهة

مرتضى:شبيج يا روحي ???

سرى:راسي راح اموت راسي اخخخخخ
ياااابة راسي

ليث:لاتصفن كوم ناخذهة للمستشفى
بنين بوية ظلي يم الجهال اكلج امي
البنات وين???

بنين:ابجي واحجي طلعت لبيت عمكم
هي والبنات