يانصفي الثاني
بقلمي شروق السامرائي
ليث:عمي انة ماعندي اي اعتراض هي
قسمتهة وبكيفهة تختار انة سبق وحجيت
وياها وكتلهة انة شاريج وهاويج لاخر
نفس بس هي اصرت ع الطلاگ مو انة
ابو وردة:بوية انت حاجيهة بلكت
ترد لعگلهة انة معاجبني الرجال مزوج
ثنين ورايدهة ثالثة وهي ما شاءالله
جمال واخلاق وشهادة ومركز شجابرهة
ع هيج قسمة
ام وردة:انة اعرف هي سويت هيج لمن
سمعت بليث ازوج احترك كلبهة
ليث:وانة شبيدي يا عمتي يعني كلكم
تعرفون الي صار حتى الحرمة ماهوية
هالزواجة بس لخاطر ابنهة وبعدين هي
شرايدة مني بعد يعني لا راحمتني
ولا خالة رحمة ربهة تنزل اخر چلمة
عمي بتك تريد تزوج الف مبروك عليكم
وعليهة انة ما اوكف بطريچ احد
بس مال ارد عليهة واهين نفسي وكرامتي
وترد ترفض لاااا خلص وهي كل همهة
وظيفة ومستقبلهة وشهادة بس ما
فكرت بية كل همهة نفسهة وبس
هي الاختارت بالعافية عليهة ،يلة يابة
اودعناكم،،،،
طلعت من بيت عمي وانة شايط صاير
نار كبرة يعني خلص شلتيني من بالج
يا وردة وخلص ناوين ترحين لغير زلمة
ولج وانة وحبي وحبج وين صار خوش
حجة ازوج ليث انة هم اروح ازوج
اخخخخخخ يا نار كلبي بيمن تبردين
دك تليفوني بنين الووووو
بنين:الله يساعدك ليث
ليث:هلاااا يابة كولي??
بنين:فدوة تكدر تجيني ناخذ فهد للدكتور???
ليث:خيير شصاير??شبيه فهد??
بنين:مصخن فدنوب وبس يبجي يمكن
اذنه لان حارة وحمرة حيل
ليث:تحضري بوية مسافة الطريق،،
سديته وصفنت حتى هاي المسكينة
معاشت حياتهة ادري كلش زين شنو جانت
حياتهة وية حسن رغم هو سكن بغداد
بس جنت دائما اراقبه ومهلي ناس وراه
وجنت اسمع بأن هي الي قايمة ابيتهة
مسواك وكل صغيرة وجبيرة عانت
حيل وتعبت ومحصلت شي بعدهة
صغيرة وازوجت حماها الي اصلا
مو بحالهة ولا داري عنهة بشي بس
اصرف عليهة صح احجي واسأل اذا
احد مضايقهة بس تسكت وتجاوب لا
محد بتلعكس مرتاحة بس انة اعرف كلش
زين ممرتاحة خصوصا وية امي
هتي صارلنة 6اشهر من ازوجنة ما فديوم
طلبت شي لنفسهة لا طلعت لسوك
ولا اشترت حتى وارد كل شهر مرات
اتقصد اخر بيه اسبوعين شهر متحجي
ولا تسأل طينة بيضة هالبنية شلون
متجيبهة تجيك والله مسكينة،،،،
وصلت للبيت والافكار تتردام ابالي
بين وردة وبنين وحياتي واهلي،،،
طبيت للبيت اسمع فهد يبجي يابة
كلبي احترك صدك احسه ابني احبه
حيل واتعلقت بيه والحلو يصيحلي
بابا،،،،
اول مشافني بجى وصاح ابة
تعال حبيبي ياعيون ابوك ليش
هالبجي،،،
يبجي ويأشر ع اذنه اووه،،،
هسة حبيبي اخذ بيباي وتصير زين
شغت سرى لعد وين بنين???
YOU ARE READING
#يا نصفي الثاني
Romanceوفي اسوء حالتها بگت ثم ضحكت وقالت لا بأس سيأخذ الله حقي في يوما ما،،، شابة في العقد الثاني،،تترمل وتحكم الظروف بزواجها من حماها،،،كيف ستكون حياتها القادمة
