#يا نصفي الثاني

الجزء التاسع

يا نصفي الثاني

بقلمي شروق السامرائي

#يا نصفي الثاني

الجزء التاسع..........

خلود:هدي يا وردة مصار شي

وردة:انتي كل عقلج تحجين هو شنو المصار
شي اني وردة الي جان يتمنى رضاية هيج
يسوي بية كدام هيج وحدة متسوى

خلود:وداعتج يوم يومين ويرد ميكدر
دونج صدكي وانة هم جاي ادور ع طريقة
نخلص بيهة من هالحية

وردة:شلوون يعني نخلص منهة???

خلود:نهججهة بليلة سودة مصخمة

وردة:اذا جان كلامج صحيح وكدهة تعرفيني
ما ابخل وياج بشي واهم شي بالنسبة
الج مسعود مووو صح???

خلود:اييي عد عيناج وهسة تشوفين
بس من هسة الشغلة رايدهة صبر وطولة
بال

وردة:اذا خطتج مضبوطة اصبر ماعندي
شي لون تالي صبري اخلص منهة يا محلى
هالصبر

سرى:هلاااا يابة الله يساعدك

ابو سرى:ويساعدج بوية شلونج اليوم
والله اشوفنج بخير عبن احفادي بحضنج
هلاااا هلاااا بحيبيبة جدهة تعالي يا بعد
هلي

سرى:شووف شلون كتلت روحهة عليك

ابو سرى:البنية ملاكى ابوهة بوية شلون
انتي جنتي بصغرج تخبلني بسوالفج
ما اطلع منا لهنا الا وانتي مجلبة بية
وانة بعد صرت ما اكدر دونج،،،،

سرى:صفنت علية بأبتسامة

ابو سرى:هونيهة وتهون بوية انة ساكت
وصابر لون الوليد خوش وليد وزلمة
وسنع بس شنحجي ونكول ع بنيادم
ميخاف ربه

سرى:يعني انت متأكد نفس السالفة???

ابو سرى:اييي بنيتي انة حجيت وية
عمج وكال اهو شاك بالموضوع لون مايركد
بالبيت وكل وكته مخنوك ومضايك وشكله
تعبان انة كتله وديه لسيد جابر بس هذا
دواه

سرى:الله كريم،،،زين يعني يابة الموضوع
شلون ينحل????

ابو سرى:شوفي حبيبة انة ضد مبدأ
الطلاك لان رجلج ما بية عيوب تخليج
تنفرين العيشة وياه مو تمام???

سرى:ايي صحيح الشهادة لله ممقصر لا
وياية ولا وية جهالة ويحترمني وميرضى
احد يحيب سيرتي بس هو ميكدر يوكف
بوجه عمتي حتى لو جانت غلطانة
يعدي واني تعبت يابة من عمتي وحمواتي
دوم يحركن بعمتي ومشاكل متخلص
وهو بيت ابوهم مو مال واحد يكطع رجلهم
منه

ابو سرى:ايي صحيح كلامج انة هم فكرت
نفس الشي صار وية مرت اخوج شاكر
وهاي شوفت عينج عزلته وخلصت هم
جانت متكعد دومهة مشاكل وية غيرهة
صح هسة هم بعد بس اخف من كبل
وانة لهذا الشي فكرت يعزل بيج خل
نخلص بوية العمر شيخلصه بمشاكل
القهر اليكتل لا جوع ولا عطش فأنتي
شكلتي بوية???