#يا نصفي الثاني

الجزء الثامن

يا نصفي الثاني

بقلمي شروق السامرائي

#يا نصفي الثاني

الجزء الثامن............

‏" لا يجب عليك الحزن وأنت جميل في ضحتك ..
‏ابتسم .. لتشرق الدنيا نوراً من ثغرك .. وتجاهل كل الأشياء التي تعيق ابتسامتك "

ليث:شكد جنت احبهة ويمكن لازلت بس
كلام بنين وعاني ع حالي شنو انة لحد هسة
مجلب بيهة وبذكرياتهة وهي ما كلفت
خاطرهة بمرة تتنازل لااااع والنوب ناوية
تتزوج هو هذا حب برأيك لو هي تحبك
من صدك تظل طول هالفترة مكابرة
لااااا وردة انانية تحب نفسهة وبس كل الي
ابالهة احلامهة ومستقبلهة سواء ان چان
ليث اله مكان بهالمستقبل او لا مو مهم
خلص لازم اندار لروحي شوية وافتهم
دنيتي صح وردة خلص ورقة وانطوت من
حياتي بنين وفهد هسة همة كل حياتي
ولازم امشي ع هالاساس واحاول ابني
حياة جديدة وياها هي هم مسكينة شنو
ذنبهة شابة خلوة وصغيرة والي شفته
بعيونهة اليوم مو مشاعر باردة لااااا
جانت مغتاضة وحقهة متقل عن باقي
البنات بشي لازم اسوي حل واخلي
حد لكل واحد يدخل بس امي الله يسامحهة
كون تهدأ،،،،،
ظليت بغرفتي اتكلب وافكر بحياتي
شلون تمشي وشلون اتعامل وية بنين
وابدي وياها من الصفر ،،،،،،
غفيت واني حاير بين افكاري،،،،

بنين:ولج سراوي شلونج اخبارج شلون
صرتي

سرى:زينة الحمدلله فدوة بنين جهالي....

بنين:لاتخافين والله بعيوني خالتهم حالهم
حال فهودي بس طمنيني عنج

سرى:تسلمين حبيبتي والله اني زينة ع
الله بس جسمي نحلان وراسي يوجعني
شوية

بنين:الله يساعدج حبي ساعة شيطان
ربي يصلح اموركم مرتضى صارله يومين
ميبقى بالبيت عصبي فدنوب

سرى:ميهمني بعد خلص عرفت سبب تغيره

بنين:شوفي سرواي ولو هو مو من حقي
ادخل بس اني لحيت ع ليث وحجالي
سالفة مها وهو اصلا كال البارحة يمكن
يعني مو اكيد رجع يتواصل وياها

سرى:بنين عليمن نكذب نفسنة اني متأكدة
مرتضى راجع وياها لان الحية اخته
صارلهة فترة تلمح وتذب حجي بس
جنت اتجاهلهة واكول تجذب بس اني
هسة اتأكدت هي السبب بتغيره وياية
رغم شكد يحاول يغطي يدللني يضحك
ويشاقى بس احس بداخله اكو ندم ويحاول
يغطي عليه

بنين:وشناوية تسوين خطية الجهال يتأذون
بينكم هاي شوفة عينج عيالي ميتركون
جاهل شفتي شسووا وياية

سرى:والله بنونة ابوية واخوتي رافضين
رجعتي هيج واني هم تعبت من امه
وخواته شطلعت وياهن لازم واحد يسويلهن
حل

بنين:ايي والله ع كولتج،،بس شلون وهو
اصلا مينطي بعمتي دون اخوته ضاج
من سمع عمي يريد يزوج