#يا نصفي الثاني

الجزء الرابع عشر

يا نصفي الثاني

بقلمي شروق السامرائي

ولج جنو منو هذا الي جنتي واكفة وياه
هاااا مو انتي مو مال هيج سوالف وهمج الشهادة
وبس هاااا هاااا طلعن سوالفج

جنة:شنو هالحجي مروة يا سوالف الولد يصير
اقارب من بعيد وصدفة تشاوفنة وسلم
سويتيهة قصة وسوالف

مروة:بس والله حلو وكشخة عود سلميلنة
ع الاقارب

جنة:اوووف شكد غثيثة انتي واختج اخلص
منهة بالبيت تجيني انتي النسخة الثانية

اني جنة عمري19سنة حنطاوية ناعمة حيل
عايشة وية ماما واخوتي ابوية متوفي من جنت
طفلة عمري 3سنين عندي 4اخوة واني اصغرهم
ماعندي خوات،،،،
الجبير(والجبيرالله)عماد تعرفوه وبعده علي
مزوج زوجته مها بت عمي وعنده اطفال
بنفس البيت بس عازل ويوسف وطه توم
ممزوجين بعدهم علاقتي بأمي كلش حلوة
صديقات وكلشي احجي الهة بير اسراري
شكلي الحمدلله حلو ومقبول طبعي هادئة
كلش من النوادر اتعصب فطيرة حيل لدرجة
بعز قهري ابسط الامور تضحكني،،،
اخوتي دللوني هواية لكوني اصغر وحدة
وهم انحرمت من ابوية بعمر صغير امي
تحجيلي شكد جان يحبني ومدللني وشكد
جان يوصي بأخوتي وامي علية لان من ولدت
اخوتي كلهم كبار الفرق بيني وبينهم جبير
عماد حان عمره 17سنة من ولدت وعلي 15
وطه ويوسف 13سنة،،،،
ربي يحفظهم الي ويحميهم،،،،

مروة تصير اخت مها مرت اخوية من وراها
ما اتواجد هواية بالبيت تحب المشاكل بشكل
ومدري ع شنو تغار مني حسرة اذا اخوية
جابلي حاجة او اشتريت شي تكلب الدنيا
جنت انهزم منهة ومن مشاكلهة اروح يم بيت
اخوية عماد مرته حبابة وردة مال الله وتكيف
بية من اروحلهم مرة ع مرة تعرفت ع خواتهة
وجهالهم اني كلش احب الجهال جنت بس
اسمع بأختهم الصغيرة ومرات اسيل تحجيلي
عنهة اتشوقت ان اتعرف عليهة وصارت
والتقيت بيهة بالعطلة الصيفية جنت يمهم
وجتي ابنهة يخبل ظليت العب وياه وامه بنين
سوالفهة حلوة بقت فترة وراها اجة عليهة
زوجهة ورجعت لبيتهة،،،،
كامت بين فترة وفترة تجي لبيت عماد
واني اروحلهم ونلتم ضحك وسوالف اما
فهودي فهو قصة بحالهة تعلقت بيه حيل
هو هم تغلم علية وصار يعرفني صارت
بينة تليفونات اني وبنين واظل احجي
وية فهودي ونتصل كاميرا،،،،
صارت علاقتنة حيل حلوة مرة جنت ابيت
عماد جانت عنده عزيمة وبقيت يم اسيل
اساعدهة كملنة الجوة وطلعت انظف الطرمة
فاتت سيارة و وكفت ابابنة جريت الصوندة
دافوت لان شفت بيهة رياجيل ثنين
الي ديسوق مشفته بس شفت ولد غريب
كاعد شفته صفن وراها دار وجهة داطب
سمعت صوت فهودي يصيحلي ننة ابتسمت
وفتحتله ايدي شلته وابوس بيه ونزلت
بنين وراه سلمت عليهة وبوستهة اجة
رجلهة هم سلم كلش خوش رجال طبيت
سريع واني شايلة فهود صحت لعماد
وراها كعدنة احنة البنات سوالف وسؤال
عن الاحوال لحد ما طلعوا جنت اباب المطبخ
من ديطلعون شفته نفس الولد هم رفع
عينه شافني ودار وجه،،،
مرت الايام وشفته مرة ثانية بس ابد مرفع
عينه بس مرات من نتخابر اني وبنين اسمع
صوته موجود انخلق بداخلي شي مثل
الاعجاب اخلاقه حلوة ومرتب وحلو،،،
مرت فترة صعبة ع الكل هي الفترة الي
تمرضت بنين بيهة وخطية فهد ظل يم مرة
عمه اني خفت عليه وشلت همة فكرت
اخاف يهملوا او ميحبوه بس الحمدلله طلعوا
بالعكس كلش يحبوه خطيةوجنت اروح
واشوف اسيل تعبانة ومقهورة ع اختهة
لحد ما صارت تجي لبغداد تراجع انصدمت
بحالتهة والشي الي واصلتله بسبب المرض
شفت خواتهة شلون متأثرين بمرضهة وحالتهة
زوجهة تعبان حيل خطية جان مبين عليه
شكد يحبهة ويخاف عليهة،،،
شي صعب من تشوف محبيك يمرون بفترة
صعبة وانت مابيدك شي عليهم هيج جان
احساسي وية بنين،،اسيل،،خواتهة حتى
ابنهة،،،
مرت الايام ونسمع بأحوال بنين تتدهور اخر
مرة جتي جان زوجهة ونفس الولد وياهم
الي عرفته بعدين يصير حماها لبنين،،