مسااااااااء الخير حبايب أعتذر عن الغياب الطويل
تحياتي،،،
يا نصفي الثاني
بقلمي شروق السامرائي
#يا نصفي الثاني
الجزء الثاني..........
ليث:يمة خلص ولي يسلمج بعدنة تونة
كلنة يا الله
ام ليث:يمة خلني اشوف ولدك كبل لا اموت
حكمت راسك الا بنت عمك وهاي شوفة
عينك شطولك وماعندك بزر الي بكدك
خلفتهم بطولهم ولك اخوتك اصغر منك
وشوف بزرهم شطول الواحد
ابو ليث:بصوت عالي غنييية ،،،،
جنج نسيتي نفسج وصرتي تخربطين بالحجي
ليث:خلهة بوية خلهة يلة انة طالع اودعناكم
ابو ليث:هيج احسن هججتي الوليد
شرايدة منة واكفة كباله تعايري بالخلفة
ام ليث:اييي وانة اظلن ورى كليبه لحدما
يظل وحيد بلا بزر
ابو ليث:ولج يا مرة اهمدي شوية وبعدين
تعاي اكلج تراه كبل يومين عقد ع ام
فهد بنية حليوة وصغيرة وان شاءالله
تخلفله درزن جهال
ام ليث:لاااع انة اريدن يطكهة بمرة ثانية
هالحية مكفاها ابني الي لفته الكبور هسة
راده لليث والله اعلة جثتي انولهة الي ابالهة
ابو ليث:خل اكوم منج انتي ضايع الحجي
وياج
ليث:رحت مثل عادتي من اضوج واختنك
كعدت ع الشط مرت نسمة هوى ترد
الروح رجعتني لايام العشگ،،،
وردة:ليث شكثر تحبني???
ليث:بسج من هالسؤال هالكثر مثاقة بحبي
الج???
وردة:بدلع لااا مو هيج
ليث:چا شلوون???
وردة:احبن اسمعهة منك وعيونك هايمة
وذبلانة
ليث:چا لو هيج اكثرهة منا وجاي،،،اوووف
يا وردة كلبي نزرعت وخضرتي بروحي
شما احجي قليل عجز الساني عن وصف
حبي الج،،،
وردة:هاااا وچاااا بنات بغداد???
ليث:ولج بوية لا بنات بغداد ولا دول
الكون تغيرني عنج ولج الگلب ملگج وبس
وردة:شلون انة وية حجيك يخليني
اعجز شلون اردك
رجعت من ذكرياتي المرة صوتهة لساته
براسي عيونهة،،طولهة،،،شعرهة،،،
كل تفصيلة بيهة تسكرني بلاية مشروب
اسكر واضيع وادور عنواني والكاه
بعيونهة لحد هالحظة ما اكدر اشيلهة
من بالي واحن الهة كل ليلة ودي طيفهة
يحضني وعطرهة الي يواسيني،،،
اووووف يا وردة ضيعتي حبنة
وضيعتينة ثنينة ،،،،
دك تليفوني نسيب ام فهد،،،
الوووو يا هلاااا بأبو يوسف
عماد:كل الهلااا بيك ابو سبع
ليث:ضحكت خلص ابو فهد بعد ماكو سبع
YOU ARE READING
#يا نصفي الثاني
Romanceوفي اسوء حالتها بگت ثم ضحكت وقالت لا بأس سيأخذ الله حقي في يوما ما،،، شابة في العقد الثاني،،تترمل وتحكم الظروف بزواجها من حماها،،،كيف ستكون حياتها القادمة
