#يا نصفي الثاني

الجزء الحادي عشر

يا نصفي الثاني

بقلمي شروق السامرائي

#يا نصفي الثاني

الجزء الحادي عشر......

هادئة جدا وراضية بما كتبه الله لي
.حتى  لو كان وجعا  يقتلني...

ليث:ياااابة تعبت ما ظلت طاقة مريتي
جدام عيني دتذبل شوية،،،شوية
عاي شوفة عينك حتى ابنهة مو كادرة
تعتني بيه شسوي وين انطي وجهي ماظل
لا دكتور لا مستشفى يعتب عليه حتى
للخارج دزيت تقاريرهة يكلون ماكو شي
هاي بعد تظل هيج

ابو ليث:كول يا الله وليدي چاااا شلون تجزع
من تالي يا بعد ابوك ربك مينساك حاشى لله
توكل ع ربك وارمي حولك وليدي ولاتجزع
من اولهة،،،

ليث:ان شاءالله،،يابة ان شاءالله

ابو ليث:كووم ادخل لحجرتك وابتسم خلهة
تفرح بطبتك مو اتگدر زين بوية وانة يمك
شمحتاجيت انت او اهي عيوني الكم بوية

ليث:تسلم يابة ما تقصر يلة من رخصتك
دخلت للغرفة جانت ظهرية ب2الكل نايم
توني راد من شغلي طبيت للغرفة هدوء
شافتني ابتسمت رغم عيونهة مدمعة
ومتوجعة هالوجع الي معرفته علته
شنووو بس من اطب وتشوفني كبالهة
تكابر في سبيل ما اشوف المهة،،،،
هلاااا يابعد كلبي توني ردت الي الروح
من شفت هالمبسم

بنين:الله يساعدك حبيبي متغدي

ليث:اييي يا حبيبتي متغدي لاتشيلين هم
اهم شي انتي كليتي

بنين:اييي سرى خطية حضرتلي الغدة
وفهود ع واهس الجهال  مرضى يبقى
هنا

ليث:اتكرضم عليهة وع وضعهة ومابيدي شي
عليهة،،ذبيت ملابسي ومددت واخذتهة
بحضني تعلمت متنام الا بحضني اظل العب
بشعرهة الى ان تغفى مثل الطفل ،،،
غفت وانة اناظرالهة شلون جانت وشلون
صفى بيهة المرض،،،،
هاي صارالهة شهرين ع هذا الوضع بعد
مراجعت بيهة للدكتور وظلينة علاجات
وعلاج طبيعي بلكت نشوف نتيجة
وكلشي مبين الى ان كامت تتعب حتى حركتهة
صارت صعبة ودومهة تون من الالم بجسمهة
وتوصل بيهة المرحلة البجي وتفرفح
من الوجع خبلتني ومخلت عقل براسي
حرت وين اوديهة مخليت دكتور يعتب
علية وين ما امشي اسأل ،،صاحب حسين
ابن عمه بالهند دزينة التقارير ونفس الحجي
نويت اسافر بيهة للهند بس رفضت ومقبلت
وكل مرة احجي وياها تبجي وتعتكف
ومترضى تكعد ويانة تركتهة فترة بلكت
ترتاح نفسيتهة  شوية وتغير رأيهة
وجهة بهت وذبل لونه العيون غايرات
وجواهن اسود منتهية فدنوب،،،

بنين:كعدت من النوم مخنوكة حيل
عبالك ماكو هوى يطب بريتي وجسمي
يبس ما اكدر احركه والالم عبالك سجاجين
تنغرز ما اعرف شنو اليوجعني و وين
المكان بالضبط ،،،،
لللللييييث،،،لللللييييييث فدوووةة