الحبّ ليس رواية شرقية بأريجها يتزوج الأبطال لكنه الإبحار دون سفينة ومرادنا أن الوصول محال.
*******
أيهم بصله بعمليه: طب يلا يا باشا عشان ما نتاخرش علي الشركه!
حسام زق أيهم: طيب ياخويا يلا قدامي.
راح أيهم وحسام للشركه ، فيدخل أيهم الأول باناقته ووسامته المعتاده وجبروته ، ووراه حسام اللي مش بيقل عنه جمال والكل بيبص ليهم وخاصتاً البنات اللي بنسبه ليهم أيهم وحسام هما فُرسان أحلمهم.
"أما عند ساره وسيلين في الجامعه"..
كانت سيلين ماشيه وبتكلم ساره ومش باصه قدامها فخبطت فى حد _لخيالكو العقيم أحب أقوله أنه مش أيهم😂_
البنت باسف: أنا أسفه بجد ما أخدتش بالي سورى.
سيلين أبتسمت بخفه: لا ولا يهمك أنا اللي أسفه أصل الهبله دى عبطتني بالكلام وما أخدتش بالي!
البنت ضحكت الضحكه اللي هي عينيها بتغمض لما تضحكها: باين عليكى ظريفه جداً.!
ساره بصت للبنت بسخريه: اه جداً دي أم الظرافه اللي في العالم.
البنت مدت أيديها ليها بابتسامه مرحه: تشرفت بالظريفه وصحبت الظريفه.
سيلين هي كمان مدت أيديها بابتسامه: أنا سيلين.
البنت: وانا راندا.
ساره بمـزاح زقت سيلين وبعدتها: وأنا أيه يعني كيس جوافه ولا أيه بالظبط.
سيلين بمزاح: لا دا أنتِ القفص كـله وتعالي هنا أكلك عشان بموت فيكي.
ساره بغيظ لان سيلين قصفت جبهتها: يخربيت برودك!.
راندا مدت أيديها تسلم علي ساره: أنا راندا .
ساره بترحيب حار: وانا ساره ، وباستها من وشها وحضنتها جامد (طبعا الاربع بوسات والحضن بقا المصري😂)
سيلين بمزاح : براحه علي البت يخربيتك ابعدي عنها شويه أيه أرحمو من في الارض يرحمكم من في السماء!
ساره بضحك ضربتها علي كتفها: أنتِ يا بت فصيله ليه ها ها أبو منظرك يا شيخه تطلع الواحد من المود!
سيلين أبتسمت باستفزاز: طب يلا يا فصيله يا بت الفصيله عشان المحاضره.
راندا بتسائل: انتو في سنه كام؟
سيلين بابتسامة: أحنا فى تالته وانتي!
رندا بابتسامة : أنا لسه في تانيه.
سيلين وهي بتشاور علي مكان معين : أحنا بنقعد هنا بعد ما نخلص محاضرات لو حابه تقعدى معانا ابقي اتفضلي تعالي!.
رندا بابتسامة: ماشى تمام أول ما أخلص هاجي أقعد معاكو.
ساره بموافقه: اشطات.
سيلين بضحك: تمامات.
وراحت كل واحده للمحاضرات بتاعتها وبعدين اتجمعو فى الكافتريا بتاعت الكليه ، واتشاورو فى امور عاديه واتعرفو على راندا وحبوها جداً.
"أما بالشركه عند أيهم"..
حسام بتسائل: ها خلصت الشغل بتاعك ولا لسه!؟
أيهم حط أيده علي راسه بتعب: قربت خلاص!
حسام هز رأسه بهدوء: طيب أنا هستناك فى مكتبي لحد ما تخلص!
أيهم حاطط عينه في الورق اللي قدامه وبيكلم حسام : طيب بس أنا كنت عايز أغير السكرتيره اللي عندي دي عشان مش مرتحلها خالص.
حسام بتذمر: يا أيهم دي كده السكرتيره الـ 20 اللي تطردها عشان مش مرتاح ليها.
أيهم بزهق: يا عم بقولك مش مرتحلها تحسها مايعه كده.
حسام بموافقه: طيب ما تطردهاش لحد ما نجيب سكرتيره تانيه بدالها.
أيهم ساب الورق من أيده وقام وقف: طيب أنا خلصت يلا بينا بقا.
حسام بمزاح : أخيراً أشهد أن لأ إله إلاّ الله دا أنا لو بعرف أزغرط كنت عملتها، أرحم نفسك يابني شويه من الشغل.
أيهم بمزاح : يلا ياض بدل ما أتغابي عليك!
*******
هحاول اصلح أي غلط في الروايه بس بتمنى رايكو بجد ، اكمل ولا لاء ، وغير كده بقا أنا أول مره أكتب ونزلت الروايه دي بعد ما عرفت الواتباد بتاني يوم أنا سريعه ياروشدي😂،متابعه للحساب❤.
YOU ARE READING
رواية " جميلتي سيلين "
Randomرواية بالعاميه المصريه. المُـقدمة رواية جميلـتي سيلين رومانسية-انتقام. كلمة (حب) سماء شمسها اللقاء، وقمرها العناق، ونجومها الذكريات، وسحبها الدموع، كلمة (حب) إشراقة من عالم الملكوت، وإطلالة من ديوان الخلود، ووقفة في بساط العظمة، من استظل بسمائها ا...
