رواية " جميلتي سيلين "

الحلقه(السابعه عشر)

خالد: قول يابنى..

ايهم: بص ياعمى انا عاوزك تجمد كده وماتزعلش وكل شئ نصيب وقدر..

خالد: فى اييه يا ايهم يا ابنى طمنى ..

ايهم : انت تعبان ولازم تعمل عمليه فى اسرع وقت..

خالد: طب ما انا عارف..

سيلين بصدمه: ع عارف ازاى يا بابا!؟؟؟

خالد بشرح : انا تعبت فى يوم و روحت المستشفى من غير ما اقول لحد عشان متقلقوش عليا .. و شوفت الدكتور اللى كشف عليا هناك .. وقالى انت عامل ايه دلوقتى فانا استغربت لما سالنى وبعدبن قالى العمليه لازم تتم فى اقرب وقت .. وانا عرفت بقا

سيلين بندم: انا اسفه يا بابا انى مقولتش لحضرتك..

خالد: لا يا حبيبتى انا مش زعلان .. انا عارف انك كنتى خايفه عليا..

ايهم: طب دلوقتى يا عمى انا حددت معاد العمليه مع الدكتور وقال انها كمان يومين من انهارده...

خالد: بس انا مش معايا المبلغ المطلوب للعمليه دلوقتى...

ايهم: عمى انا اللى هتكلف بمصاريف العمليه وكل شئ عليا متقلقش...

خالد: اييه اللى انت بتقوله ده .. انا مستحيل اخليك تدفع حاجه..

ايهم: احنا دلوقتى بقينا اهل يا عمى وانت اللى لسا قايل اننا بقينا اهل ومفيش فرق بينا...

خالد: بس..............

ايهم: بص اعتبر نفسك مستلفهم منى واما ترجع بالسلامه ابقى رجعهم ليا...

خالد: بس بشرط...

ايهم بخوف: اتفضل...

خالد: تقولى يا بابا لو مش هيزعلك...

ايهم بارتياح وحب: لا طبعا عمره ما هيزعلنى يا بابا..

سوسن بزعل مصطنع: طب وانا يعنى هتقولى اييه!؟

ايهم قام باس على رأسها وايديها: انتى امى و كل حاجه حلوة ربنا يخليكى لينا يا ماما..

سيلين عينيها دمعت وحضنت والدها ووالدتها: ربنا يخليكو ليا يارب...

خالد شاور لايهم يجى هو كمان و بقو كلهم حاضنين بعض .. (والله هعيط☹)..

سيلين : احنا قلبنا زى المسلسلات الهندى كده لييه...

ايهم: انتى علطول لمضه كده..

سيلين طلعت لسانها: امممم اه...

سوسن: امشى يا جزمه هاتى حاجه لجوزك يشربها..

سيلين: جووزى!؟؟

سوسن: اومال.. مش كاتب الكتاب يا اخرة صبرى..

سيلين: هههه تصدقى نسيت..

ايهم دلوقتى بقا على اخره من سيلين عامل زى الاشعال الذاتى لو حاجه لمسته هيفرقع و بصلها بمعنى اصبرى عليا..