بيجرى فى ممرات المستشفى عشان يوصل للاوضه اللى فيها حسام وراندا وهو قلبه بيدق جامد من الخوف عليهم ، واخيرا وصل للاوضه اللى هما فيها ، فتح الباب باقصى قوة عنده ، شاف اخته قاعده على سرير و حسام على سرير ، بس فيهم اصابات بسيطه خدوش فى جسمهم و كدمات ....
ايهم بلهفه جرى على راندا وقعد يفتش فى جسمها بخوف اكبر: انتى كويسه يا حبيبتى ، مين ابن ال....... اللى عمل فيكى كده ،راندا بدموع : اهدا يا ايهم انا كويسه يا حبيبى ، الحمد لله جات سليمه ..
ايهم : سليمه ايييه ، انا لازم اعرف مين العربيه اللى دخلت فيكو دى !!
حسام بهزار : صحيح من لقى احبابه نسى اصحابه ، ماليش نصيب من الحب والا ايييه يا ابو العيال !
ايهم بضحك وحضنه : دا انتى الحب كله يا ام العيال ، الحمد لله انك كويس ، انا كنت هموت من الخوف عليكو ، بس انت يا بغل طالما مش بتعرف تسوق بتسوق ليييه !؟
حسام بسرحان : الحب هو السبب يا صحبى !
ايهم ضربه على قفاه بمرح : حب ايييه يا ام العيال ، بتحبى من ورايا !
حسام حط ايده مكان الضربه وضحك : الصراحه اه ، بحب حد قريب منك جدا وانت لازم تعرف عشان انا عاوز اتجوز بقا كفايه عزوبيه ومرمطه !
ايهم بتسأل: قريبه منى ! ميين سعيده الحظ دى اللى خطفت قلب حسام باشا !!؟
حسام حط ايده قدام وشه : بص من غير ضرب انا هقول مع انى عارف انه مش الوقت المناسب ، بس انا بحبها جدا وعازز اتجوزها ....
ايهم بضحك: قول قول ماتخافش ..
حسام بص لراندا : اختك راندا !!
راندا بقت مكسوفه جدا و خايفه من رد ايهم ، مع انها ما اعترفتش لحسام بحبها لييه ، بس ده كله عشان ايهم والثقه اللى هو مديها ليها
ايهم بصله وبص لراندا وهو مبرق عينه بطريقه مضحكه: حسام صحبى وراندا اختى ومن ورايا !!
حسام بخوف : ايهم اقسم بالله انا ماكان بينى وبين راندا حاجه ، اصلا انا لسا حاسس بحاجه تجاهها و حبيت اقولك انت الاول عشان انا عارف انك بتامنى على راندا اكتر منك ..
ايهم بحب حضنه : فى ايييه يا صحبى انت مفكرنى ممكن اخونك دا انت بتحافظ عليها اكتر منى ، وبعدين انا هلاقى عريس احسن منك فين .. وبص لراندا اللى مكسوفه جدا .. بس الاول ناخد راى العروسه ، مع انه باين عليها انها موافقه !
راندا بكسوف : احم احم ، ممكن افكر الاول !
ايهم بص لحسام بضحك وهو بيقلد صوت راندا: ممكن تفكر الاول لو سمحت يا حسام ، مع انى عارف انها موافقه !!
حسام بص لراندا بحب : ممكن طبعا تفكر .. وقلب للجديه ووشه بقا مكشر .. بس اخرك معايا بكره الساعه 4 الفجر !
![](https://img.wattpad.com/cover/198565795-288-k129093.jpg)
YOU ARE READING
رواية " جميلتي سيلين "
Randomرواية بالعاميه المصريه. المُـقدمة رواية جميلـتي سيلين رومانسية-انتقام. كلمة (حب) سماء شمسها اللقاء، وقمرها العناق، ونجومها الذكريات، وسحبها الدموع، كلمة (حب) إشراقة من عالم الملكوت، وإطلالة من ديوان الخلود، ووقفة في بساط العظمة، من استظل بسمائها ا...