"အရှင်ရှန်းဝူပိုင်....."
သာယာလွန်းလှတဲ့သံစဉ်သဖွယ်အသံလေးတစ်ခုက ကျောခိုင်းထားသောထိုသူ၏ နားအတွင်းညှင်သာစွာ ဝင်ရောက်လာခဲ့သည်။ရှန်းဝူပိုင်က အသာလှည့်ကြည့်လိုက်ပြီးနောက်ပြုံးလိုက်ကာ သူမ၏ရှေ့သို့လျောက်လာပြီး ရပ်တန့်လိုက်သည်။
"ချန်ဟွားဖန်း။ဘာကိစ္စ ရှိလို့များလဲ။."
"ကျွန်မ လက်ဖက်ရည် လာဆပ်တာပါအရှင်။"
သူမက ဘေးရှိမလှမ်းမကမ်းနေရာရှိ ကြွေဖြူဖြင့်ပြုလုပ်ထားသည့်စားပွဲပေါ်တွင် ရှိနေသော မက်မွန်ပွင့်ကြွေလွှာတစ်ချို့အား သူမအနည်းငယ်ရှင်းလိုက်ပြီးလက်ဖက်ရည် ဗန်းအားအသာချလိုက်ကာ လှပစွာပုံဖော်ထားသောပန်းပွင့်သဏ္ဍာန် လက်ဖက်ရည်ဖန်ခွက်လေးအားကိုင်လိုက်ပြီး ရေနွေးအိုးအားအသာ လောင်းချလိုက်သည်။
ထို့နောက်သူမက ထိုဖန်ခွက်လေးအားရှန်းဝူပိုင်ထံ ကမ်းပေးလိုက်သည်။
"အရှင်....သုံးဆောင်တော်မူပါ။"
ရှန်းဝူပိုင်က သူ၏လက်တစ်ဖက်ကိုနောက်ပစ်ထားလျက်ပင်ကျန်လက်တစ်ဖက်ဖြင့်ထိုခွက်ကိုယူလိုက်သည်။ ချန်ဟွားဖန်း က ခေါင်းကိုငုံ့ကာထားလျက်ပင် သူမကမေးမြန်လေသည်။
"အရှင်....နျူးရဲ့ဥယျာဉ်တော်မှာရှိနေတာဆိုတော့အရှင်သူ့ကိုသတိရမိနေပြန်ပြီလား။"
ထိုစကားကိုကြားတော့ရှန်းဝူပိုင်ကနှုတ်ခမ်းဝတွင် တေ့ကာထားသော လက်ဖက်ရည်ခွက်အား ပြန်ခွာလိုက်ပြီး လက်ထဲတွင်ဆက်ကိုင်ထားလျက်ပင်
ေရှ့ရှိထိုင်ခုံတစ်ခုတွင်ဝင်ထိုင်လိုက်သည်။
ချန်ဟွားဖန်း ကို သူကြည့်လိုက်တော့မမေးသင့်သည့်မေးခွန်းကိုမေးလိုက်မိသည့်သူတစ်ယောက်နှယ် သူမက ခေါင်းကိုအသေငုံ့ကာထားသည်။ရှန်းဝူပိုင် က သက်ပြင်းတစ်ချက်ချလိုက်ပြီး
"မင်းစဉ်းစားကြည့်...ဒီဥယျာဉ်ကြီးကအရမ်းသာယာတယ်လို့မထင်ဘူးလား။အရမ်းလည်းတိတ်ဆိတ်ငြိမ်းချမ်းလွန်းတယ်။အရင်ကတော့ဒီလိုမဟုတ်ပေမဲ့ပေါ့။
နတ်မင်းတွေရဲ့ အဆိုတင်သွင်းတဲ့စကားမျိုးစုံကိုငါနားမထောင်ချင်တော့တဲ့အခါ၊ ဒါမှမဟုတ်ငါ့မှာစိတ်ရှုပ်စရာတွေ ရှိလာတဲ့အခါ၊ ဒီနေရာက ငါစိတ်ကိုသက်သာရာရစေတယ်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
