#حطيتك_فعيوني
للكاتبه زهور جمال الدين 🌹🌷
🌿🌲🌲الحلقه الحادية عشرة 🌲🌲 🌿
مباهر: منسوور ...
منصور قعد عاطيها بالضهر ومايبيش يتلفتلها
-قاللها : انا مصدوم فيك..صحة ليك كيف شاطرة فالكدب
-مباهربدت تبكى : افهمنى يا منسور... حبيبي والله مكدبت عليك ..
والله هما داروهالى مفاجئة منغير مانعلم
كلمنى هزبنى لكن متمشيش وتخلينى هكى
-منصور مايبيش يتلفتلها : ياسرك مالكدب
ومشى وخلاها ركب سيارته وطلع
جت سرور فتحت الباب...
لقت مباهر واقفه تبكى
-سرور: شن فى يا مباهر
-مباهر تبكى : كله منكم ...
ونزلت من الدروج :بتوصلينى ولا نروح على رجليا
-شدتها سرور: البنات فوق ..مش حلوة فى حقك يامباهر
-مباهر: ليش ماشاورتينيش قبل ما اديري هدا كله
-سرور: ومن امتى احنا نشاورو فى بعضنا لما بنديرو مفاجئات لبعض
-مباهر تبكى : بتوصلينى ولا شنو
-سرور: نبى خيره منصور زعل ونزل يجرى
-مباهر: لانه منعنى انى ندير عيد ميلاد فى موزارت ...وتوة شافنى بعيونه ...
لو كان شن نحلف مش حيصدق انى منعرفش
-سرور: فهمتك .. يعنى احنا غلطنا
-مباهر: مش غير غلطو ...ممكن فسدتو كل شى بينى وبين منصور
-سرور: انا شكبنتها وانا حنحلهالك ...تعالى معاى للسيارة
________________
نورى مقعمز فى سيارته قدام حوشهم
ويتكلم فالتليفون
-نورى: معندناش علاش انراجو ..احنا خلاص متاكدين من مشاعرنا
-خولة: ماهو حبيبي حتى على خاطر احتى نورا ترمى سوها ونفوتو شوية قبل
-نورى: تهبل من فمك كلمه حبيبي
-خولة: واكثر من هكى ..
-نورى: اسمعى عندك لما اتم اختك عدتها وبس ..وبنجيب امى
-خولة فرحانه: باهى زى متحب يا نورى
-نورى: معناها ابدى جهزى نفسك من توة.. لانى مش حندير فترة خطوبة .. نتزوجو طول
-خولة: تمام
_________________
-سرور: الو دارين اعتدرى من البنات قوليلهم مباهر مريضه ..
وروحى انتى واكرام بالتورته والهدايا ..
