#حطيتك_فعيوني
بقلم زهور جمال الدين🌷
🌺 الحلقه السابعة عشر 🌺
-
عارفه روحى عطلت عليكم وزعلتو مني .. وبيش نرضيكم نزلتلكم حلقتين فى حلقة وحدة 😊
لقتهم رسايل من بنات ...
وينك حبيبي .. حبيبي خيرك حدفت الاظافة.... ستاحشتك حبى..
وينك ياعمرى هيا نرجعو نشوفو بعض ثانى
😳😳😳😳
مباهر ركبت فيها نار ومعش تشبح فى شى
اتصلت بمنصور
-منصور: نعم يا حبى
-مباهر: تعالة روح بيا
-منصور قلق: خيره صوتك هكى فى حاجه
-مباهر: نراجى فيك
وسكرت الخط
وبالفعل جاها منصور ...
وروحو
وصلو للحوش .....
-منصور: خيرك حبيبي ساكته طول الطريق فى حاجه
-مباهر زعلانه ومع هدا مقدرتش تواجهه: لا مافى شى
-منصور: كيف مافى شى وانتى وجهك متغير
-مباهر: مافى شى يا منصور خلينى نبى نرقد
-منصور: باهى بالشوى متعصبيش روحك.. خشى استريحى
توقع انها متخاصمه مع خوها سراج
خشت مباهر للدار الثانية الصغيرة فيها صالون صغير اتكت عليه
لحقها منصور : مباهر تعالى ارقدى ف سريرك خيرك جيتى هنايا
مباهر ساكته وماتبيش ترد عليه
طلع جاب غطاء وغطاها ...
وهيا كامدة غضبها ...وساكته زعميتا متبيش ادير مشكله فالعيد
طلع هوا من الغرفه ..وخلاها بروحها
شوى وخش مرة ثانيه للغرفه
جايبلها ليمونادة عصرهالها هوا
وحطها عالطاولة ...يحسابها رقدت ..
قعمز عالكرسى الصغير وحط يده فشعرها وقعد يمسح عليه ...
اغتاضت هيا وقامت راسها
-مباهر : ياسرك من الكدب
-منصور متفاجأ😳: كدب شنو خيرك
-مباهر : ياسرك من النفاق ربي كشفك
وطلعت وخلاته بروحه و خشت دارها وسكرتها بالمفتاح
________________________
_________________
-نورى: باهى حدديلى يوم للخطوبة .. خيرك حبيبي حسيتك تماطلى
