#حطيتك_فعيوني
بقلم زهور جمال الدين 🌷
الحلقه الثانية والعشرون
-
سراج: يعنى انتوكل
-مباهر: طبعا توكل ومبروك عليك اوخى
-سراج: وامى
-مباهر: خليها عليا انا ونورى ماتخافش مش ح نتخلو عليك
-سراج : وانا هدا اللى مطمنى
-مباهر: والله فرحتنى يا سروجه.. سلمى انسانه عاقلة ..
وحتعرف كيف تحتويك وتتعامل معاك
-سراج: وشن قالولك انا مجنون امالا
-مباهر تضحك : لا انت مهبول بس
سراج قعد يضحك
-وناض وقف: امالا انتى بلغى منصور اليوم وردى عليا
-مباهر: متاكدة منه حيفرح هلبا .. اهو نبلغ فيك من توة ..
وطلع سراج روح
___________________
نورى بعد غدى الجمعه مقعمز فالصاله ...
وامه حاطه شاهى وحلاوات قدامهم
وتهدرز على نورى .. تحكيلة على ابله سعاد معاهم فالمدرسه
كيف تعاركت مع طالب وجى ولى امره يشكى ..وحكايه كلها اكشن
ونورى فى عالم ثانى..
شاد تليفونه ويفرج عليه ...
ويتكلم فى خاطره : زعما مشت .. ولا سمعت كلامى
وامه تحكى وتشاوخ وهوا يتفرج عليها ومسمعش ولا كلمه منها 😁😁
وفى خاطره : واعر التكبيد ..
وخاصه لما يبدا على بنية تحسها زى وخيتك
وتخاف عليها وماتبى فيها شى حتى دقه الشوكه
ويتكلم مع نفسه..
تى كانا انا مش حمار فى واحد يكبد على اخته ..
تى بديت نغير عليها الزح ...
لكن عادية يانورى الاخ يغير على اخته راهو
وايمان هادى وخيتى الصغيرة
-وردة: وهدا اللى صار
-نورى انتبه ان القصه تمت : باهى اللى انتهت على خير يااام
-وردة: تى اما خير نورى وليدى
نقولك راجل سعاد فتحوله راسه على زوز .. ومرقدينه فالطبى 😁😁😁
-نورى: ايه ايه فهمتك يااام
وناض ركب لداره...
يبي يكلم ايمان يطمن مشت والا لا وحسها بايخه
فكر انه يفتح الفيس يشوفها نشطه والا لا ...
هوا متوقع لو نشطه معناها فالحوش لان معندهاش ماى فاى
