#حطيتك_فعيوني
بقلم زهور جمال الدين🌷
الحلقه السابعه والعشرون
-
نورى: تدكر الفيديو اللى صورهولك وعطوه لخطيبتك وفسختو
-سراج: خيره
-نورى: نبى المكان اللى انت فيه وين
-سراج يضحك : شنو خشيت عالجو امالا يا حاج نورى
-نورى: الموضوع مش متحمل بصارة ..المكان وين
-سراج: منزبطاش الحق..لانى ليلتها كنت شارب ...
اصلا كانا على عقلى يقدرو هما يصورونى
-نورى: اسمع .. المكان نبيه تجيبهولى باى ثمن
-سراج : ساهلة مش واعرة
-نورى: وبعدين انت من امتى تشرب
-سراج: يا راجل جابتلى عصير على اساس تفاح وشربته ..
وبعد فقت عرفت انه بوخا
-نورى: تى اقسم بالله ماتتحشم وتحكيلى فالكلام هدا فى وجهى
-سراج: تى ماهو انت اللى سألتنى
وينقز نورى على سراج يشده من رقبته وهوا يعيط:
انت عارف ان بتصرفاتك هادى بتودرنا كلنا
بتودر اختك يا حمار
-سراج مخلوع: خيرها مباهر
-نورى انتبه لنفسه : ماخيرها شى .. لكن خاف علينا يا راجل راهو يا داير يا لاقى
-سراج: اقسم بالله يانورى انى توبت ..
وناوى نبدا حياة جديدة .. وربي انشالله يتقبل منى
نورى مايبيش يحكى لامه وسراج اللى صار مع مباهر ..
لانه متوقع لو سمع سراج ممكن حتى يصير فيها حتى الدم
____________________
منصور بعد ما دخل مباهر للدار وطفى الضى
طلع قعمز فالصاله ...
وحس ان مشاعره كلها متحركه وجت فيها الرغبة
"هوا عموما الراجل مايقدرش يتحمل فكرة ان مراءة معاه فى نفس الحوش ويقعد عاقل
مهما تكون المراءة اهيا بالنسبه ليه حرام ولا حلال"
صعب يتحمل...
لان الراجل يخش فى عالم اخر عقله يطير منه .. وهدا اللى صار مع منصور
ناض رجع للدار وفتح الضى
-منصور: رقدتى
مباهر متبيش ترد عليه
قعد ساكت لانه حس ان رجعته للدار بايخه
قرب من سريرها ووقف
وهيا تحت الغطا مغمضه عيونها وترعش..
