#حطيتك_فعيوني
بقلم زهور جمال الدين 🌷
🌺الحلقة التاسعة عشر 🌺
-
❤يابنات معش بنطول فالحلقة لان هلبا يشكو ان الحلقات ماتنفتحش عندهم ❤
سابع يوم واقف منصور فالسقيفه ويسمع فيه بوه
توة عاجبك هكى يمى حتى حمل مرتى مفرحتش بيه
ومريم عاد قلبها بيتقطع على وليدها
وصالح حس ان صوت منصور تغير ..معش يعيط ..
معناها هدى ويقدر يعطيهاله يروح بيها بامان
منصور يتكلم معش سكت
صالح: يا مريم تعالى
ومنصور يسمع فيهم
-مريم : نعم
-صالح: ترا اسالى مباهر تبى تروح لحوشها ولا مزال
منصور واقف يسمع ويراجى فالجواب
مريم واقفه : مباهر بنيتى قالك عمك بتروحى لحوشك ولا مازلتى
-مباهر: ايه يااااام بنروح
منصور فرح اللى سمع صوتها ..وفرح انها تبى تروح
-صالح: باهى على كيفك...
فرحت مباهر وبدت تلبس فى عبايتها ...
وعمك منصور واقف يراجى فيها بيش يروحو
ناض صالح من مكانه ومشى للسقيفه لقى منصور واقف ..
قاله تعالى وطلع من باب الحوش ولحقه منصور
____________
-سراج: اسمعى يا اميرة نبى نقولك كلام تسمعيه منى انا خير ماتسمعيه من برة
-اميرة: نعم
-سراج: انا نويت نتزوج
-اميرة😍: باهى كويس ربي هداك
-سراج: امى لقتلى بنت حلال وتبى تخطبهالى
-اميرة تعيط: نعم نعم
-سراج: اللى سمعتيه .. فأرجوك رجاء خاص منبيش مشاكل
-اميرة: اسمع يا سراج ..اميرة مش ساهلة ولا يقدر واحد زيك انت يلعب بيها
-سراج: امورة انا نكلم فيك بالعقل وبالطيبه
-اميرة: ماتتوقعش انى نسكت ..
وتو تشوف الضربه اللى تجيك منى فى مكان ماتتوقعاش بكل ..
لكن حيعلم عليك ويوجعك
-سراج: تى بري شيطى ..
من بكرى وانا صابر عليك ونفهم فيك بالشوية وانتى ماتبيش تفهمى ..
واللى بديريه قدامك ديريه وراك ..انا منتهددش هى تشاو
وسكر الخط عليها
