#حطيتك_فعيوني
بقلم زهور جمال الدين🌷
🌺الحلقه الواحدة والعشرون 🌺
-
منصور طفى السيارة وخش للحوش
قعد ينادى
- منصور : مباهر .. مباهر وينك
-طلعت مباهر من دار النوم: خيرك رجعت حبيبي
-منصور يضحك: صار معاى موقف مفهمتاش
-مباهر: انشالله خير حبيبي
-منصور: وحدة وقفت عليا وعطتنى الكيسة هادى..
وقالتلى عطيها لمباهر وقوللها معش تشهدر بيا
-مباهر مستغربه : البنت كيف شكلها .. والكيسة شن فيا
-منصور: فيها عشرة الاف
-مباهر شهقت: عشرة الاف متع شنو هدا
خدت مباهر الكيسة وفتحتها ..
طلعت اول باكو حولت منه اليستيك لقاته فلوس عالجناب بس
وفالوسط كواغط عادية ..
فتحت الباكو اللى بعده واللى بعده نفس الشى
ولقت ورقه فالكيس قروها ..
مكتوب فيها تعيشي وتاكلى غيرها 😳
مباهر قعدت تضحك : تى هدا منو اللى دمه رزين وداير روحه يبصر عالصبح
-منصور: ماتطلع الا نفسها اللى دايرتلك المقلب الاول
-مباهر: لا لا معتقدش
-منصور: حقة على فكرة حسيتك سكتى ومادورتيش عالبنت اللى دارتلك المشكلة الاولى
مع انى نعرفك نوعك متسكتيش على حقك
-مباهر : لانى عرفتها منهيا وصاحباتى دارو اللازم
وعطوها طريحه نباشت القبور
-منصور: وكيف عرفوها
-مباهر: لان التسجيل فى تليفون دارين ..
وهيا زبطت البنت اللى سمعتلها التسجيل
نادوها فى حوش سرور وواجهوها واعترفت
-منصور: معقولة اعترفت بالساهل هكى
-مباهر: لانها غبية ووحدة من البروفايلات فاتحاته برقم تليفونها ..
وبالايفون سهل جدا تنزبط
فلما واجهوها اعترفت ..
وتضحك: لكن سرور ودارين ماقصروش فيها
-منصور: وليش دارتلك هكى
-مباهر: لانى لزيتها من عرسى ... لقيتها شادتها فى جرت خوى نورى
-منصور يشبح للكيسه متع الفلوس: لكن شى يحير
___________________
