#حطيتك_فعيوني
بقلم زهور جمال الدين 🌷
🌺الحلقة الثانية عشر 🌺-
مباهر قلبها يطق استرس مش عادى..
حتى كلمها منصور مابتش ترد عليه
وروحو النساوين ...
وروحو صاحبات مباهر
وخش نورى: شنو يااام عجبوكم الناس ولا شنو
-وردة: والله يا وليدى الباين عليهم ناس كويسيين
-خديجه: حتى البنات الباين عليهم كويسات
-نورى: انا اهم شى عندى تكون مباهر مقتنعه وراضيه ..
لان يااام والله الزواج اساسه التفاهم
_________________
مباهر ركبت تجرى لدارها
فتحت التليفون ردت على منصور
-مباهر: الوو
-منصور: نحبك
-مباهر طايرة من الفرحه : وانا نموووت فيك ربي مايحرمنى منك
-منصور: نبى نشوفك بنفس اللبسه اللى شافاتك بيها امى
-مباهر : وكيف بتشوفنى .. متقدرش توة تجى قدام الحوش سراج واقف هوا وصحابه
-منصور: امالا افتحى الفيديو مدخليش نبى نشوفك امى قالتلى شكلها زى الهندية
مباهر فرحانه عاد وين تلقيها انها عجبت ام منصور
-مباهر: باهى افتح الفيديو هى نشبحو بعض
وفتحو الفيديو .. وشافها منصور وعجباته
-منصور: صدقت امى ..ماشالله الشعر والضحكه تقول هندية
_________________
ثانى يوم ...
سراج متكى فى داره ...
شرين تليفونه ...
قام التليفون بيشوف الرقم ..لقاه اميرة تتصل بيه
فتح الخط ورد
-اميرة: مع انك فايتنى ..لكن انا احسن منك ونسال عليك
-سراج: كيف الحال ميرو ليك وحشه
-اميرة : شن جوك ووين ديارك
-سراج: اهو قاعد على وجه الارض
-اميرة : وشن حال ايمان وشن اخبارها
-سراج: ايمان وينها مشت فى حالها
-اميرة دايرة روحها متفاجئة : وعلاش العفو ..قصدك فسختوو
-سراج : فسخت هيا
-اميرة: وعلاش فسخت
-سراج يضحك: بنت حرام ورتها فيديو ليا انا وياها
![](https://img.wattpad.com/cover/204157658-288-k933957.jpg)