#حطيتك_فعيوني
بقلم زهور جمال الدين 🌷
الحلقة الخامسة والثلاثون
والاخيرة
-
متصور ومباهر قاعدين فالسيارة
منصور قال لمباهر كلمت انتى طالق
وهيا انفجرت بالبكى ...
وتبكى .. وتبكى .. وتبكى
-منصور: حبيبتى مش انتى هكى تبى
-مباهر: تنوض انت تسمع كلامى واطلقنى طول
"حيها حيه مشت الهيبه والوعارة يا مباهر😳😁 "
-منصور: لو مانفدتلكش طلبك راك درتيلى العار قدام خوتك
-مباهر تبكى : اسكت خلاص ...اسكت .. انت متحبنيش
وحطت يديها على كتافها: حيه موعرها الكلمه .. وتبكى وتبكى
"راهو معاها حق البنية صغيرة والكلمه مش ساهلة عليها😢 "
منصور قرب يديه منها يبي يحضنها
-مباهر: حول ايديك.. انا توة معش مرتك انا توة محرمه عليك
-منصور: باهى حبيبي نروحو لحوشنا حبيبي ونتفاهمو غادى
-مباهر حاطه ايديها فى نصها: حوش منو هدا يا بابا .. انا خلاص توة اطلقت منك
وتفتح فالباب وهوا يشد فيها
-مباهر: قلتلك متلمسنيش حول 😢.. انا بننزل حوش ماما
وفتحت الباب ونزلت خشت للحوش ...
وردة فالمطبخ واقفه تشرف عالعاملات اللى جايبتهم ايضمو فالحوسه
ومباهر ركبت طول من الدروج لدارها
نزل منصور لقى باب المطبخ الخارجى مفتوح
قعد ينادى .. عمتى وردة ..
طلعتله وردة .. قاللها نبيك شويه فى موضوع
وبالفعل طلعتله للجنان وقفت عليه
_________________________
مباهر ركبت تجرى لدارها ...
تشوف فى ضى دار نورى والعه
فتحت الباب عليه منغير ما اطق
لقاته فى سروال وكاناتيرا كيف يبدل فحوايجه
خشت مباهر تجرى اضبطاته ...
وهاداكه المكياج كله سايل فى وجهها😁😁
وكانتيرتا راحت حالة مسكين
-نورى انخلع : خيرك يا مباهر
-مباهر : منصور طلقنى .. وتبكى
نورى نزل عليه الخبر زى السم
-نورى : مستحيل ..منصدقش .. تى كيف
