#حطيتك_فعيوني
بقلم زهور جمال الدين 🌷
الحلقه الثالثه والثلاثون
-
مباهر فى وسط فرحتها ادكرت ايمان
وانها هيا اول شخص ساعدها فى محنتها هادى
-مباهر: سرور ترا جيبيلى تليفون ماما
نزلت سرور جابت لمباهر تليفون امها ..
واتصلت مباهر بايمان ...
-مباهر : اهلين ايمان
-ايمان تفاجئت: اهلين بيك حبيبتى رورو .. انتى وين
-مباهر: انا فى حوش ماما توة
-ايمان : الحمدلله على سلامتك حبيبتى ..والله فرحتلك ..
اهو بنجيك توة
-مباهر: منبيش انتعبك يا ايمان توة المغرب بيأدن
-ايمان : لا عادى ..اهو تو نقول لماما ونجيك ...
وسكرو المكالمه ...
وبالفعل لبست ايمان حوايجها ...
ونزلت كلمت امها وقالتلها ان مباهر فى حوش امها
توة
لانها حكتلها عليها
وانها دارت حادث وانشلت
فقالتلها امها عندك ساعه وتروحى
ومشت ايمان لحوش مباهر ..
سلمت على وردة واضبتها وبكت لان وردة تحب ايمان هلبا
وخشت ايمان لمباهر وسلمت عليها وحمدتلها بالسلامه وبكت معاها
_______________________
سراج يسوق فالسيارة متوجه لحوشهم طول
لان منصور قاللهم انه يبي يشوف مباهر
خشو للحوش
-وردة: الحمدلله على سلامتك يا وليدى .. والله قريب طرنا لما قالونا متت
-منصور: الله يسلمك يا عمتى ..مباهر فى دارها
-وردة: ايه فوق فى دارها معاها صاحباتها ..والله صار فيها قريب طارت حتى هيا
-منصور: ترا شوفهالى يا نورى نبى نركبلها
-نورى: باهى شوى بس نشوفها
وركب نورى للدور الثانى بيشوف مباهر بيش يطلعو صاحباتها
كمل نورى الدروج ووصل فوق
-سراج فى جنب امه : حتى انا عرقت خلى نركب نبدل وننزل.. الحوش حوشك يا منصور
وركب للدور الثانى حتى هوا
_________
نورى وصل للممر متع الدور الثانى
انفتح باب دار مباهر
