Safe Skies, Archer (University Series #2)

02

"Kailangan ko nang umuwi."

Iyon lang ang nasabi ko sa kanya dahil sa gulat! Pagkatapos niya 'kong halikan nang kaunti, napalayo ako sa kanya. Alam kong hindi dapat ako umaatras kapag ganito pero naco-conscious ako't pakiramdam ko ang dumi ko lalo na't ganito pa rin ang suot ko at galing akong club! 

"Hatid na kita." Tumayo siya at lumapit sa side table para kuhanin ang susi ng kotse niya. 

Inayos ko na rin ang gamit ko at hindi makapagsalita. Kung talagang malinis lang ako ngayon, nako! Nakakairita talaga! Bakit ba sa ganitong paraan pa kami magkikita! Kailangan maulit 'to nang hindi ako lasing at confident ako sa itsura't suot ko! 

Pumasok siya sa isang itim na pinto. Sumilip ako nang kaunti at nakitang may maliit siyang walk-in closet doon. Napanguso ako at umiwas ng tingin. Anak-mayaman nga talaga siya. 

"Are you comfortable wearing that?" Napalingon ako sa kanya nang marinig siya sa likod ko.

Napatingin ako sa hawak niyang hoodie bago ako napatingin sa suot ko. Napangisi ako nang makitang naka laced bra nga lang pala ako at skirt. 

"Bakit? Naba-bother ka ba sa boobs ko?" Tinaasan ko siya ng kilay.

The side of his lips rose and his gaze immediately went down to my chest and stared at it shamelessly.

"Not really." He laughed a bit. 

Hindi ko alam kung mao-offend ba 'ko o iba ang ibig sabihin niya. 

"Bakit? Malaki naman, ah." Kumunot ang noo ko at kinapa pa ang isa sa harapan niya kahit naka-bra. 

Tumaas ang isang kilay niya nang sundan ng tingin ang kamay ko. Napangisi ako dahil kanina ko pa siya napapansing nakatingin sa dibdib ko kaya lumapit ako sa kanya. 

"Bakit tingin ka nang tingin? Gusto mo rin hawakan?" Matapang na tanong ko.

Doon na siya natawa sa sinabi ko. Umiling lang siya at sapilitang sinuot sa 'kin 'yong hoodie habang tumatawa pa rin. He looked so nice. Iisipin kong isa siyang soft boy kung hindi lang niya 'ko matapang na hinalikan kanina sa gilid ng labi ko. 

"Next time," he playfully said. 

Nakita ko ang marumi kong see through na long sleeves sa sahig kaya pinulot ko 'yon at pinagkasya sa bag ko. Ang bango ng hoodie niya! Sobrang turn on talaga sa 'kin lalo na kapag mabango. 

Pagkalabas ko ng kwarto niya, saka ko lang din na-realize kung gaano kalaki ang condo niya. Masyado ata siyang mayaman para sa 'kin. Hindi ko bet 'yong ganoon pero sa sobrang gwapo niya, ayos na rin sa 'kin. Pakiramdam ko naman ay type niya rin ako. 

Type niyang paglaruan... Though I won't complain.