"အဲ့ဒီတော့ နင် ဘယ်လိုလုပ်ဖို့စိတ်ကူးထားလဲ။ မိစ္ဆာတိုင်းပြည်ကိုပြန်ဖို့တွေးထားမိလို့လား။"
ရွမ့်ဟွာက ယွင်းရန်ရှေ့သို့ ခြေနှစ်လှမ်းခန့်လှမ်းလိုက်ရင်း စိတ်ပျက်နေသည့်လေသံမျိုးဖြင့်ပြောလာသည်။ ယွင်းရန်က ထိုကျောက်ဂူအတွင်းရှိ ကျောက်သားဖြင့်ပြုလုပ်ထားသော ထိုင်ခုံတစ်ခုပေါ်တွင် ဝင်ထိုင်လိုက်သည်။ယွင်းရန်က သူ၏ လက်ကိုအနည်းငယ်မြှောက်ကာကြည့်လိုက်ရင်း
"အားနည်းနေပြီ။ ငါအခုတလော နေရတာအဆင်မပြေဘူး။ ဒါနဲ့ ငါရှာခိုင်းထားတဲ့ဟာရဲ့ အခြေအနေရော။"
သူမက ထိုစကားကိုကြားတော့ ချက်ချင်းယွင်းရန်ရှေ့ရှိ ထိုင်ခုံတွင်ဝင်ထိုင်လိုက်သည်။ သူတိူ့နှစ်ဦး၏ကြားတွင်တော့ကျောက်သားဖြင့် ပြုလုပ်ကာထားသည့် စားပွဲဝိုင်းတစ်ခုရှိနေသည်။
"ဘယ်လိုဖြစ်တာလဲ။ဒီဆယ်နှစ်ကျော်အတွင်းတောင်ဘာမှမဖြစ်ခဲ့တာလေ။"
ရွမ့်ဟွာက ယွင်းရန်၏မေးခွန်းကို ဥပေက္ခာပြုလိုက်ပြီး သူမသိချင်သည့်အကြောင်းအရာကိုသာဦးတည်လိုက်သည်။သူမ၏အသံက အတော်စိုးရိမ်သွားသည့်လေသံမျိုး။ယွင်းရန်ဆီမှအဖြေမရသေးခင်ပင်သူမက ချက်ချင်း မျက်မှောင်ကြုတ်လိုက်ပြီးနောက် ထပ်ပြောလာသည်။
"ဒါမှမဟုတ်.....ဟိုကောင်လေးကြောင့်လား။"
"........."
ယွင်းရန်က သူမကိုဘာမှမပြောပဲ ကြည့်ရုံသာကြည့်လိုက်ပြီးနောက်သူ၏လက်ကိုပြန်ကြည့်လိုက်သည်။ သူမက ဆက်ပြောသည်။
"သူက နင့်အတွက် အန္တာရာယ်ဖြစ်နေခဲ့တာလား။
အနားမှာ မထားသင့်ရင်မထားနဲ့တော့။ တကယ်လည်း သူ့ဆီက နင့်ရဲ့ အစွမ်းတွေပြန်ရနိုင် မနိုင်ကလည်း သေချာတာမဟုတ်ဘူး။ သူ့ကိုသတ်ပစ်လိုက်တော့။"
သူမက ခပ်ပြတ်ပြတ်ပင်ပြောလိုက်သည်။ ယွင်းရန်က လက်သီးဆုပ်လိုက်ပြီး မျက်တောင်တစ်ချက်ခပ်ကာ သက်ပြင်းချလိုက်သည်။
"ယွင်းရန်....နင်ဘာတွေ တွေဝေနေတာလဲ။မဟုတ်မှ နင်......"
သူမ၏ မျက်ဝန်းတို့က စူးရှကာတောက်ပနေလေ၏။ ယွင်းရန်အတွက်ဆို အမြဲတမ်းအကောင်းဆုံးဖြစ်စေချင်သည့် သူမ၏ သဘောထားကို ယွင်းရန်ကနားလည်သည်။ အဆုံးမရှိတိုက်ပွဲ တွင်လည်း သူမက ယွင်းရန်၏ညာလက်ရုံးတစ်ယောက် အဖြစ်ရှိနေပေးခဲ့သည်။ ထိုတိုက်ပွဲ၏ ရှုံးနိမ့်မှုရလဒ်က ယခုသူမကို အဆင့်နိမ့် မိစ္ဆာအသွင်နီးပါး သက်ရောက်ကာ လူသွေး သို့မဟုတ် တိရိစ္ဆာန်သွေးကို မဖြစ်မနေ သောက်သုံးရသည့်ဘဝကို ရောက်စေခဲ့သည်။ ပြောရလျှင် သူမ၏ စွမ်းအားထက်ဝက်ခန့်အား ကောင်းကင်ဘုံမှ အပြစ်ဒဏ်အဖြစ်ဖျက်စီးပစ်ခြင်းကိုခံခဲ့ရသည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
