Cruel Summer

☀️ Eleventh Shot ☀️

Terry

•~•~•~•~•~•~•~•~•~•~•~•~•~•~•~•~•~•~•~•~

Lahat kami nakatutok sa wall clock at hinihintay na tumunog ang bell. Last day ng examination namin kaya nakakahinga na kami. Wait na lang namin ang evaluation at mapapanatag na ang loob naming lahat.

"Next week will be your sports fest, buong week 'yon and I'm expecting that everyone will be present. Kahit half day lang. Makumpleto man lang natin ang attendance everyday and I will let you do whatever you girls want. Oh, before I forgot, casual lang ang attire. Wala sanang magsusuot ng revealing na mga damit. Magagalit ang Directress natin baka mamaya isipin niya na sumasapaw kayo sa beauty niya."sabi ng adviser namin bagi kami hinayaang lumabas ng room.

"Kakaiba rin talaga humor niya e 'no."bulong ni Jella sa amin. Sasabay siya ngayon sa pag-uwi dahil sila Cath ay may kailangang  gawin sa church nila at ayaw naman sumama nitong si Jella dahil last time na sinamahan niya si Cath, nabored lang daw siya.

"Pasyal tayo."yaya ni Cindy.

"Hala nandito nanaman si gastos oh. Paki-uwi na nga ito."reklamo kaagad ni  Guia.

"Bisitahin kaya natin si Yana? Simula noong nangyari 'yon sa kaniya hindi na siya nalipat sa batch natin. I mean sa sched natin."sabi naman ni Rona.

"Hindi na rin siya nagbubukas ng messages natin sa groupchat. Unlike before na ang daldal no'n. Bardagulan pa kayong dalawa madalas."sabi ni Hazel at tinuro si Guia na nakasimangot lang.

"Kahit saglit lang, ayaw mo ba?"tanong ko. Kaya napalingon siya at kunwaring nag-isip.

"Kailangan talaga nandito si Terry para pumayag e. Tara na!"sabi ni Cindy at inakbayan siya, nagtip toe pa siya para maabot abg height ni Guia.

"Eh, ano ba naman 'yan. Sige na! Sige na nga basta saglit lang. Uwi rin kaagad."sagot ni Guia.

"Thank you na ba ako?"tanong ko at tinaasan siya ng kilay. Pabiro niya naman akong hinampas at niyakap din kaagad. "Parang kasalanan ko pa na nagdecide ka ah."

"Hindi naman. Kung nasaan ka siyempre, present ako. Follow the leader nga 'di ba. Pakiss nga."sabi niya at pinisil ang pisngi ko.

Sa likod ng Cornelia High kami dumaan dahil mas malapit ito sa highway at tuwing Friday lang nila binubuksan ito. Siguro kasi weekend na at masipag na magbantay ang guard ng school kaya hinahayaan nilang nakabukas ito.

"Kilala mo si Sabrina Medieval sa Stem na strand? Siya ata ang representative para sa runway next week."sabi ni Kristel habang nag-iscroll sa phone.

"Sa atin, sino?"tanong naman ni Hazel.

"Si Guia na lang kaya."sabi ni Cindy.

"Anong ako? Ayaw ko. Nakakapagod 'yan e. Buong araw nakatayo, nakaheels pa. Wala kang ibang gagawin kung 'di ngumiti lang at kumaway. Nakakapagod."sagor niya kaagad.

"Ito talaga kahit kailan may sagot kaagad e. Hindi mo naman sigurado na gano'm gagawin."sabi ko. "Bakit?"tanong ko nang mapatakip siya bibig niya at niyugyog si Hazel na katabi niya ngayon.

"Bakit kaya hindi na lang ikaw? Kaya mo naman 'yon."sabi niya.

"Ayaw ko. Hindi ako sanay sa ganiyan. Hindi ako nagsusuot ng heels."sagot ko at umiwas ng tingin.

"Anong tawag mo sa picture na ito? Heels ito 'di ba? Nakagown ka pa. You have experience."sabi ni Cindy habang pinapakita ang picture ko noong graduation ball namin.