Unicode
"ကိုယ်လုပ်တော် ဝေ့ ကို ဟန်မိဖုရား ခေါ်ခိုင်း
လိုက်ပါတယ်"
မိဖုရားအဆောင်မှ လူတွေရောက်လာလို့ သူ့ကို
အခေါ်တော်လာသည် ။ ဝေ့ရင်း တစ်ယောက်
အနည်းငယ်တော့ကြောက်မိတာ အမှန်ပဲ ။
ထို့နောက်မှာ ဟန် မိဖုရား အဆောင်သို့ရောက်လာတော့တယ်။ သူ ဝင်လာတော့ အထဲမှာ မိဖုရား တစ်ဦးထဲတာ ကျန်တဲ့သူများ ရှိမနေ ။
"ရှေ့ကိုတိုးထိုင်လေ"
သူ့ကို လှမ်းပြောတော့ ဝေ့ရင်း အူတူတူလေးနဲ့ ပြီးမှ တွန့်ဆုတ်ဆုတ်နဲ့ ရှေ့ကိုထပ်တိုးထိုင်လာတယ်
ရှေ့မှ ကောင်လေးကို ဟန်မိဖုရား အကဲခတ်ကြည့်မိ၏။ မျက်နှာလေးကလည်း အေးချမ်းလို့ ရိုးရိုးသားသား လေးဖြစ်ဟန် ဒီကလေးမှာ သေချာကြည့်ရင် မြင်သူချစ်မြတ်နိုးတဲ့ ရုပ်သွင်လေး ဒါကြောင့် အရှင်က ချစ်ခင်စုံမက်နေသည်ထင်
"အရှင် နဲ့ နေ့တိုင်းလိုလိုတွေ့ဖြစ်တယ်ဆို"
ပထမဆုံး မယ်မယ်ဘက်မှ စတင်မေးလိုက်တဲ့စကားပင်
"ဟုတ်...တွေ့ဖြစ်ပါတယ်....ဟို....အရှင်က
ကျွန်တော့်ကို စာသင်ပေးနေလို့ပါ"
"အော်...."
"အရှင့်နားမှာ အမြဲနေပေးနိုင်မလား"
"ဗျာ"
"ငယ်ငယ်ထဲက အခုထိ လူတစ်ယောက်ကိုအခုလို
စွဲလမ်းတာမျိုး မတွေ့ဖူးခဲ့ဘူး...မင်းက အရှင့် ရဲ့ပထမဆုံးလူပဲ"
ဟန်မိဖုရား ပြောတာကို သူ နားစိုက်ကာ နားထောင်နေမိတယ် ။ အရှင်နဲ့ပတ်သတ်ပြီး အခုလို သိရတော့ ရင်ထဲပိုလို့ ခံစားမိသည် ။
"အဲ့တာကြောင့် မင်းကို ယုံကြည်ပြီး အရှင့်နားမှာ
ရှိနေပေးဖို့ တောင်းဆိုတာပါ"
"......."
"လက်ခံပေးနိုင်မယ်မှတ်လား"
သူ ပျော်လို့ပဲလားမသိ မျက်ရည်တို့ဝဲတက်လာမိသည် ။ ယခုလိုမျိုး နားလည်ပေးနိုင်မှုမျိုးကို သူလိုလားခဲ့တာ ။
"လက်ခံပါတယ် မိဖုရား"
ဝမ်းသာလို့ ခေါင်းလေးညိမ့်ကာ သူဖြေရှာတယ်။
ဟန်မိဖုရား ရဲ့အပြုံးတွေကလည်း တောက်ပလို့
နေသည်
