تسعةٌ وتسعونَ ضربةً على صدري ولم أكترث ، تسعةٌ وتسعون كسرةً لقلبي ولم أُبالي ، طُعنت كُسرت وبين خيباتي سُجنت أتراني أضعفُ الآن ؟ أنا الإعصارُ إن كنتم ناراً ، أطفئكم أشتتكم لا أنحني ولو شَبّت النار بين اضلعي...
جبار.. وين صايره هاي وين دارت بيا عشيره ٣ بنات يشردن من نص بيتنه وين ازلامنه وينهم... خلي يطلعون كدامي اليوم اسگي الكاع بدمهن ما اكون الشيخ جبار قبل ما انحرهن بيدي
ساهره.. ابوس ايدك شيخنه ابوس رجلك استر علينه والله بناتي فقيرات ويتيمات ومن خوفهن شردن والله مايسون غلط اني مربيتهن واعرفهن ابوس اديكم واحد واحد لاتتكتلوهن اكتلوني اني بمكانهن والله من خوفهن سون هيج
جبار.. اننجبي وسدي حلكج انتي احسابج بعدين ام البنطرون اذبحج ورا بناتج واطمج بيدي وخلي الكل يسمعني اليوم ادفنهن بالزباله وحته ماخليلهن كبر مثل الاوادم
وانتي ولج اذا سمعت صوتج احزج من الوريد للوريد ووكعلي دك دفرات برجله وهو لابس حذاء شكبره احس امعائي تكطعت بس مومثل كلبي اليتكطع ع بناتي الراحن من ايدي..
صاح بصوت عالي واباوع بالوجوه واستنجد بلكي واحد بگلبه رحمه بس نسيت الداير مدايري ذئاب وعايشين ع الدم بحجه العادات والتقاليد ..
اخذنهه من كدامي واقفلن الباب عليهه واذا سمعت عتبت الباب اصلخجن صلخ وروح ابوي مافارغلج هسه اغسل عار بناتج السكط واشوف احسابي وياج
الحجيه بركات.. ادري كلامي مامسموع والشور من راسك وفرحان بشيختك وبهاي الغنم الواكفه وراك بس راح اكلك چلمه وحده ياجبار لاتطغي ترى ربك يحاسبك ع كل دم ساح بيدك
وانه الحجيه بركات الخلصت عمرهه ساكته بس من هاي الساعه بعد ماسكت واريد اشوف شلون راح توكف بوجه السبع؟!
لو كل همك تعلي چلمتك حته يگولون شيخ جبار غسل عاره وانت ماتعرف حته ذنبهن شنو هالمره انه اخلي ايدي بايد السبع واوكف بوجهك..
جبار.. تهدديني بالسبع !! ماعاش اليهدد الشيخ والسبع التحجين عنه تلكي لاهي ببغداد يشرب ويعربد ويه الحضريات
مثل ماعربد ابنج العود وجابلج هاي الزباله ويأشر على ساهره وتالي ٣ بنات شردن وراح يجيبلنه العار
يله امشونه وانتن اعتبن الباب وحده منجن خل تخابر السبع وشوفن شلون اعلگهه من خوانيگهه..
ساهره.. حجيه ابوس اديج بناتي هن بناتج شفتي طلعت العيبه منهن من كثر الكتل شردن والله ماعدهن شي والله ربيتهن احسن تربيه ساعديني ابوس رجليج
ودنكت ع رجليهه ابوسهن روحي تفرفح ومن كدما مانضربت بهاي الايام مالي حيل اتحرك خطوه وقافلين الباب
وكل نسوان القصر يخافن وحته الجهال الصغير يخاف يصرخ من الجبروت والظلم العايشين بي
الحجيه بركات.. وينج خديجه هاج هذا الرقم دگي على السبع وكليله عمك راح ينحر بنات المرحوم تلاثتهن خلي يتلاحگهن گبل مايفوت الفوت
خديجه.. ماسمعتي الشيخ شكال والله يطردني لاهلي واشبع تكفخ فدوه حجيه لاتوكفين بوجهه
الحجيه.. مالج غرض يخديجه خلي يلحكهن ولو ماظن راح يلحك السبع وهو ببغداد شيوصله ومايدري بيهن بيا محطه
صريخ.. ضجيج ... الم .. حسره ... انقطعت السبل بهاي اللحظه غابت الروح مثل ماتغيب شمسنه ومن تشرق شمسنه على ياظلم وياجبروت !!
مساء الورد🌼 كل عام وانتم بخير.. قصه جديده ذات طابع اجتماعي ..عشائري ..رومانسي ونوعا ما تكون جريئه تناقش قضايا هوايه يمر بيهه مجتمعنه خاصه الفتره الاخيره..
اعرف راح دكولون انتي بعدج مامكمله قمع المشاعر شلون تنزلين قصه جديده!! بس هاي القصه قديمه عندي حته اقدم من قمع المشاعر وماجنت اكتب عن الشيوخ بس عجبني اتناقش هذا الموضوع بسبب الحالات الكثرت بالفتره الاخيره ومومثل قصص الشيوخ المتعارف عليهه لان تدرون بيه مااكتب شي مكرر ودائما اختار الموضوع البي عبره مو مجرد سرد..
لذلك نزلت مشهد منهه بس حته اثبتهه وتحفظوهه يمكم لان شاغله بالي بهايه الايام وبس افكر باحداثهه حته اتفرغ لقصه شجن وقبس.. يعني اطمئنوا ماراح ابلش بيهه الا بعد ما اختم قمع المشاعر... احبكم💓
صوره الغلاف 👎
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
