وعصفت بنا الاقدار

البارت37

وعصفت بنا الاقدار... البارت السابع والثلاثون
للكاتبه زهراء ( روزايه)...

(البارت هديه للمتابعات Nezammm Om_abode وشكرا لكل المتابعين ع تفاعلكم الرائع بفضلكم نرتقي سلم النجاح ... احبكم)
....

جراح.. شبيج فجر هذا كابوس ماكو شي
فجر.. انت ماتعغف باوعت لاواب كتله حاجي فهمه
كله اي شي اكو واحد غاح يموت..

اواب.. هسه افهمه تعالي لبابه اكعدي يم اختج
لاتخافين اذا احد يموت فهذا حد يومه

فجر.. اني شفتهم مااغيد اشوفهم تعبت منهم
حطيت ايدي ع وجهي وبجيت منظرهم يتراولي
شلون حفرو وشلون فرحانين ومنتظرين اليجي...

لبابه...خفت حيل من حلم فجر ركضت ع ماما
اطمن عليهه واكفه واباوعلهه تتنفس لولا هزيت
رانيا اكعدي هستوهه غفت خطيه انهبطت كامت
بسرعه واحجيلهه عن فجر..

طلعنه للاستقبال وماكعدنه ماما نخاف عليهه
فجر تهز برجلهه وعيونهه عمر لازمه راسهه وتصييح
راح ينفجر ...

اجه ضرغام جراح صاحه وكلهه ملامح الخوف
واضحه عليهم حجه ضرغام هاولج فجر خاف
اني المنتظريني؟

فجر... مادغي يجوز انت
ضرغام.. عاب هاللسان اشفت اسمعت؟
فجر.. انت ولا السبع..

ضرغام.. يله بله هسه شحجي وياج كومي نامي
وتغطي زين..
فجر.. ماتصدكون واحد غاح يموت وعزيز علينه
نحبه بابا وعمو ابو السبع فغحان حيل

ضرغام.. الله يستر هو انتي طلعتي جواد
كلشي نتوقع منج كومو ناموا يمعودين والكاتبه
الله يصير قابل ندفع الموت بدينه..

فجر..غجعت لمكاني مانمت اعصغ دماغي
اغيد اتذكغ منو اليموت شكالو الاسم بس نسيت
ابد مااجه ع بالي...

عقيق... كعدت ع صوت السبع وهو يكعد بيه
فتحت عيني كال صباح الخير جان مبدل لابس
دشداشه وكاعد ع الجربايه ويدكم باردان الدشداشه..

جاوبته صباح النور شوكت كعدت؟
السبع.. قبلج بشويه اجت ام شهد جابت ريوك كومي
نتريك حته اتقفلين البيت وترحين يمهم

عقيق.. كمت للحمام غسلت ولميت شعري
رحت للمطبخ خليت الريوك ع الميز وصحته
تريكنه بوسط هدوء تام

سالته بيك شي ؟ رد عليه وهو يشرب جاي
لامابيه شي بس اجاني شغل ولازم ابدي بي
وحاير شلون اروح للعماره واعوفج شهر...

عقيق... لاتوكف شغلك علمودي اني شعليه
راح ارجع اداوم واظل يم البنات روح لشغلك
اني يم خاله ساهره..

السبع.. الله كريم كومي يله بدلي واخذي علاجج
حته انروح للبيت خاف يجي خطار
عقيق... كمت لميت المواعين غسلتهن بسرعه
ورحت للغرفه طلعت فستان طويل ومستور
لبست حجابي مكياج ماخليت بس لبست سوار
وحلقه وطلعت..