وعصفت بنا الاقدار

البارت55

وعصفت بنا الاقدار... البارت الخامس والخمسون
للكاتبه زهراء ( روزايه)...

خصـم الحجـي ڪُـلة :
المرايـة التنڪسر ما ترجـع بـ فدوه . .

.....

رانيا...من جنت يمهم بالقصر اعرفه ابن عباس الرادو
يزوجون لبابه اله وقت ماجراح اختفه خفت اطلع
لان ضرغام عصبي بس سمعته خابر على المركز
واحنه كاعدين انلوب والجهال مفزوعين ...

شويه واجت سياره اخذتهم طلعت من الغرفه للصاله
ضرغام يخابر بواحد يكله لاتأذو بعده صغير بس حققوا
وياه شوفو منو وراه خوفو بس اياكم تعذبوا..

سد التليفون وباوعلي كال وين الجهال
رانيا..يم امي خايفين شعنده وليد ابن عباس وليش
يهدد بينه وهو صغير
ضرغام.. اكو من دافعه بس شجابه لبغداد وهو شبر مايندل
ومنو دلا ابيتي وراهه سالفه جبيره همزين شفتيهم

رانيا.. كمت اخاف ضرغام خاف يسوون شي
ضرغام.. تهديد المنك وبيك مايخوف اني شاك بموضوع
واحتمال يطلع شكي صحيح بوقتهه تصير مصيبه
على راس العشيره

رانيا.. شعدهم وياك
ضرغام.. ماادري ابن عباس قشمر ياهو اليجي يقشمره
ضربته يكول على اساس حرامي بس مااعتقد هسه يحققون
وياه ونعرف

شفتي الجهال اطمني عليهم وتعالي
رانيا.. حجيت لماما طمنتهه وناموا اولادي وهم يصيحون
حراامي يبگونه والله لو يدري ابوهم جان خزاني
عود مأمن عليهم...

صعدت فوك لگيت ضرغام يدخن كعدت بصفه خليت
راسي على كتفه كتله لاتفكر هسه تعرف وحاسبهم
ضرغام.. مااحب احجي عن شغلي بس شاك بجبار
اله علاقه بهذا المعتقل الخبصوا الدنيا بي ...

رانيا.. منو؟
ضرغام.. اكو واحد جنت اني مسوؤل عن التحقيق مالته
مجرم درجه اولى قتل واغتصاب وتسليب على الدولي
وهسه انرفعت اوراقه واستلمه غير واحد وجاي يجيني
التهديد علي هو شاك بجبار وياهم لان ينتمون لنفس الحزب...

رانيا.. طرگاعه على جبار الله ماياخذه ويخلصنه شنو
من بشر هذا كل حياته دم بدم
ضرغام.. والله لو اسحب من جواه البساط وانزعه حته
عگاله بس جنت اكول مالي دخل وهسه صرتي انتي
خاف يأذوني بيج من الصبح يشيلون الشيخه منه

رانيا.. عوذه منه عوفه خلي يولي حقق ويه وليد ابن عباس
وافتهم شعنده وانوب حته اذا انت بالبيت  لاتخلي الحراس
يرحون ..

ضرغام.. تعالي خلي انام وراي دوام
رانيا... اكلنه هبطه شكبرهه بذاك الليل ثاني يوم
طلعت وياه وصلني للمدرسه عدنه تصحيح بس بالي
يم الجهال كلساع اخابر على ماما ارسم اكشن براسي...

عقيق.. هذني شعدهن جايات اضوج من ايناس بس تخزر بيه
فجر.. حته اشلع عيونهه هالثوغه ( الثوره) بنت الثوغ
عقيق.. ولج لاتسمعج
فجر.. عشتووو خفت كمت اغجف