Cold Heartbreaker (Heartbreakers Series #4)

Chapter 19

Chapter 19

"They published an article?" Gulat na tanong ko habang tinitingnan si Serah.

Tumango s'ya at tiningnan ang school newspaper. Ine-expect ng lahat na titigil na ang pag-issue ng article tungkol sa heartbreakers dahil sa naging issue kay Abe Frontera. Now that they have published a new article, hindi ko na mapaniwalaan.

And I am distressed about it! Uriah Kylo Penalver of STEM is the newest heartbreaker!

Uriah Penalver! Inaasahan ko na na mapapabilang s'ya sa listahan ng gossip column na 'to pero akala ko ay titigil na sa pag-publish ang school paper! Really? I bit my lip as I read the article. Seriously! Naiinis ako! He's already famous and now he's getting more famous!

Napasimangot ako nang makitang trending ang pangalan n'ya maging sa social media. Uriah Kylo Penalver. Lead guitarist of the band Petrichor. Handsome, cold, and sexy. I frowned at the captions and descriptions at naramdaman ko ang pag-init ng mga pisngi ko roon. Kinakalat na rin nila ang pictures ni Uriah sa mga gig na napuntahan n'ya pati na ang ilang videos.

Libo na ang likes at libo na rin ang views. Really! Their band went viral because of the school newspaper. Napanguso ako habang tinitingnan isa-isa ang mga kumalat na mga pictures ni Uriah. Inuungkat na rin ang pangalan ng mga kasama sa banda at kumakalat na rin ang pictures nila.

Kanina, nang dumating ang kaklase kong naunang nagkaro'n ng kopya ng newspaper, nagtilian sa kilig ang mga kaklase kong babae. Pinagkaguluhan 'yon lalo na ang picture ni Uriah sa newspaper na nakangisi habang tumutugtog ng gitara. He looked really attractive and handsome in it!

It's the first time that I wished Uriah wasn't as handsome as this! Kahit ang mga candid photos, guwapo pa rin s'ya. Umuulan ng comments. Girls are admiring him and tagging their friends on the comment section.

Mine!

Ang guwapo?! Bakit sobrang daming guwapo sa TU?

It's time to transfer. Dumarami na ang inilalabas ng TU.

This is the reason why I didn't transfer! I get to see the heartbreakers everyday!

Lyndon even tagged me in his comments.

Lyndon Cabrera:
Areli 'di ba crush mo 'to?

I gritted my teeth as I reacted angrily on it. Ang bida-bidang 'to!

Areli Lopez:
Lyndon boyfriend ko 'yan, stupida.

May nag-compile din ng mga pictures ng mga naunang heartbreakers kasama si Uriah at parang boy group na namimili ng mga gusto nila ang mga babae. Mayroon ding mga nagbibigay ng mga teorya nila kung sino pa ang susunod na mapapabilang sa listahan.

Samuel De Dios. 

Alfie Delgado.

Spencer Santillan.

Chester Manlapaz.

Jeanne Vazquez.

'Yan ang ilan sa mga pangalang pinamimilian nila kung sino ang susunod na heartbreaker. 

Napanguso ako at tiningnan ang profile ng mga babaeng pumipili kay Uriah. They are a lot and they are freaking beautiful! Napabuntong-hininga ako nang may nakita pang vlogger doon na may gusto rin kay Uriah.

Uminit ang mga pisngi ko sa inis at nanood din ng mga videos na ipinakakalat. Lyndon kept on texting me about it. Mas naging sikat si Uriah maging sa Clermont University. Girls are going crazy, Lyndon said. May mga nagbabalak nang bumisita ng Torrero University para kay Uriah.