2025: The Second Half

37 - Chaos

37 - Chaos

"Lucas, tama na!" awat ni Mara sa binata. Wala na siyang nagawa kung hindi ang iwan ang anak sa umaangal na si Pia. Lumapit siya para tulungan si Jet na awatin si Lucas na kasalukuyang nakadagan at sumusuntok kay Kevin.

"Pre, he already told us why he did that!" sigaw ni Jet habang pilit na hinihila din si Lucas. "He also wants to save Yuan!"

"Yuan would be safer with us!" sigaw pabalik ni Lucas.

"Jet!" sigaw ulit ni Mara noong hindi na nakapagpigil ang binata at sinuntok na din si Lucas.

"Eh, diba nga wala tayong nagawa?!" galit na pagpapaalala ni Jet habang hinihintay si Lucas na makabangon. "Magpasalamat na lang tayo na nakapag-isip agad si Kevin kaya kahit papaano may pag-asang mabuhay si Yuan! Kasi totoo naman, diba?! Na kahit naman hindi 'yon ginawa ni Kevin makukuha at makukuha nila si Yuan! Tanggapin na natin, putangina! Hindi natin siya kayang protektahan!"

Tila nagpanting ang tainga ni Lucas sa huling narinig. Agad siyang tumayo at walang ano-ano'y sinuntok si Jet. "I know! I fucking know! But I never, and would never, intend to just give her to those people!"

Nakahiga pa rin si Kevin sa semento noong marinig niya ang sinabi ni Lucas. Mabilis na tumulo ang mga luha niya.

"You've known her longer than me!" sigaw pa ni Lucas kay Jet. "You know why Warren stays with her even though she always tells him to go away! You know how those years of being alone in an unknown place affected her!"

Naitakip ni Mara ang mga kamay sa kanyang bibig. Nakita niyang nag-iwas ng tingin si Jet habang itinakip naman ni Kevin ang braso sa sariling mga mata. Si Gian ay nakayuko lamang sa isang tabi.

Napaluhod si Lucas kasabay ng pagtulo ng luha niya. "We fucking sent her alone again to an unknown place..."

"Aiah's there," madiin na sabi ni Gian, sapat para marinig ng lahat.

"Hindi nga natin sigurado kung--"

"Sigurado ako," putol pa ni Gian sa sasabihin ni Jet. "Yuan is her friend."

"Pero hindi natin alam kung nasaan sila ngayon," malungkot na sabi ni Mara. "If only we still have a form of communication..."

Napaawang ang bibig ni Gian ng may maalala. Nag-angat siya ng tingin. "We do."

*****

Tulad ng inaasahan, kinabukasan, maaga pa lamang ay sinundo na si Yuan ng dalawang tauhan ng Crescent. Kinakabahan man sa mga maaaring mangyari, pilit na ikinubli ng dalaga ang lahat ng kanyang emosyon. Hindi siya pumalag kahit pa noong iposas ang kanyang mga kamay.

Kung kahapon ay hindi mabura ang ngiti sa mga labi ni Timmy, ngayon ay matinding pag-aalala lamang ang mababasa sa kanyang mukha. Ramdam niya ang muling pagbukas ng pinto at alam niyang sa muling pagsara niyon ay maiiwan siyang mag-isa.

"Yuan."

Napalingon ang dalaga. Maging ang mga tauhan ng Crescent na umaalalay sa kanya ay napahinto sa paglalakad.

"Do you want to stop the time?"

Napataas ang dalawang kilay ni Yuan. Hindi niya inaasahan ang tanong na iyon. Huminga siya ng malalim. "If I'd be able to stop anything, I want it to be this apocalypse."