تقليدي بالف عشق

البارت ٢٣

#تقليدي_بالف_عشق

#الكاتبة_اطياف_ابراهيم

سلام عليكم احبائي اسفة ع الانقطاع ان شالله التزم وياكم للاخر....

انتظر تفاعلكم الحلو

........

فيما مضى
وقتاً جميلاً وأنقضى
واليوم أقضي ليلتي أحصي الفضا
ذاك الذي اسقيته من ماء عيني مدتا
ما عاد يشعر بالرضا
فوضت أمري للذي
خلق المشاعر كلها
عبدا.. ضعيفاً.. تائها.. متكاسلا.. متمارضى
ما بيه حيل ارفع جفن
ذبلان جسمي من الحزن والدمع..
الدمع من كد ما نزل ماخلة لون برمشي
محتار... محتار بحلامي البقن
شو ما رضن يتحققن
مثل اليشوف ابنه البچر.. كبران بس ما يمشي
ما عندي كلشي.. بيا بخت يردوني أرضى بكلشي
وحدي بغرفتي وأي بشر ما احمله وما اطيقه
ما رايد اسمع لا نفس لا صوت لا موسيقى
الأعمى يوگع لو عثر بأصغر حجر تعيقه
خلوني وحدي ولو متت بس أمي ترفع نعشي
أن داهمتني حسرتي.. يا ربي ما اقساها
أبدو ضعيفاً عندها.. طفلاً إذا اخشاها
طالت عليه نهايتي.. أحتاج أن ألقاها
لو كان عمري باسما.. لا ما رجوت لقاها
بس هيه ظلت للرخص
مو وگت اليحب بحرص.. وگت الأفعال الجارحة
ويااا گلبي.. يا گلبي بطل لا تحس.. ولا تنتظر دورة شمس
باجر شبيه البارحة
خسراانة.. خسرانة يا روحي العشگ.. والصحبة بيمن فالحة
أمضيت عمري منصفا.. ما أفكر آخذ غيبة
قد كنت شخصاً طيبا.. بس ما تفيد الطيبة
وأتأمل الناس التجي.. مو مثل الناس الرايحة
ويا جفني.. يا جفني يالدمعك نزف
الميت غريب ومو عرف
أدينه واجبنة وخلص.. خلينه نقرأ الفاتحة
وخل نفتهم.. خل نفتهم أكبر غلط نربط فرحنة بأي شيء
مو تدري يا جفني الدمع ما خله لون برمشي

......

سيرين.. مرت حياتي ويا رامي طبيعية وحلوة رجعت ببيت اهلي يم سمير وماجد لان جنت باقية يم عباس

حياتي طبيعية وحلوة وعلاقتي طيبة بياسمين وفرات واختي بيان الا مرة ماجد مروة دائما تخلق مشاكل واتلافاها

الى ان اجة اليوم الممتوقع ولا متخيلتة
جنت كاعدة العب بموبايلي اجتني رسائل ع النت ع تطبيق فايبر فتحتهن وانصدمت

محادثات كلها غزل وحب

وجوة صور المحادثة رساله

((حتى تتاكدين بعينج حبي رامي الي ولا بيوم يصير لغيري لتتعبين اكثر وتبقين ويا وهاي اذا فكرتي بكرامتج))

احس ايدي كامت ترجف هاي شلون هيج دموعي كامت تنزل واحس صدري اختنك منو هايه وشديصير وماادري.... وحبه وغزله واهتمامه شنو معنا ويخوني وبعدنه خطوبة اذا نتزوج شلون

جان الحجي بينهم عبارة عن حبيبي وحبيبتي معرفت اسم البنية
خطر ببالي اجوان بس بعدين كلت هي متزوجه لعد شنو هذني

كلت خل اواجهه واعرف منه واطلع الحية من الزاغور
خابرت وطلعنه بسيارته للمنتزة بس اني شنو نار وتسعر بيه كوه لازمه اعصابي ممنفجره لهسه